-
2017 оны 4 сарын 05
Сонсголын бэрхшээлтэй хүүхдийн тусгай 29 дүгээр сургуулийн хашаанд Сүхбаатар дүүргийн Нийгмийн даатгалын хэлтэс 2015 оны нийслэлийн Засаг даргын захирамжаар “Нийгмийн хамгааллын төв” барих зориулалтаар 900 м.кв газрыг эзэмших гэрчилгээ авч, барилгын ажил эхлүүлэхээр ажиллаж байсан юм. Уг захирамж нь Газрын тухай хуулийг зөрчин төрийн байгууллагаас төрийн байгууллага руу шилжүүлсэн байна. Монгол улсдаа ганцхан тооцогддог тусгай сургалттай сургуулийн газарт төрийн байгууллага оффистой болохын тулд барилгын ажил эхлүүлж байгааг буруу хэмээн нийслэлийн Засаг дарга С.Батболд үзсэн байна. Ийм учраас өнөөдөр захирамж гаргаж, өмнөх захирамжийг хүчингүй болголоо. Энэ талаар нийслэлийн Газрын албаны дарга Э.Болорчулуун, НЗДТГ-ын Хууль, эрх зүйн хэлтсийн дарга А.Даваажаргал нар өнөөдөр мэдээлэл хийсэн юм.
Нийслэлийн Газрын албаны дарга Э.Болорчулуун “Оны өмнө нийслэлийн Засаг дарга сургууль цэцэрлэгийн хашаанд газар олгохгүй, олгосон тохиолдолд энэ шийдвэрүүдийг бүгдийг нь цуцлана” гэж хэвлэл мэдээллээр мэдэгдэж байсан. Түүнчлэн нийслэлийн Онцгой байдлын газраас гамшиг гарсан тохиолдолд сургуулийн орчмын газрыг онцгой бүсэд авч, дуудлагаар цуглах газар гэж зарласан байдаг. Өнөөдөр мөрдөгдөж байгаа Газрын тухай хууль болон Гамшгийн тухай хуулиудыг үндэслэн тусгай сургалттай 29 дүгээр сургуулийн орчим 900 ам метр газрыг Сүхбаатар дүүргийн нийгмийн даатгалын хэлтэст олгосныг өнөөдөр хотын дарга захирамж гарган цуцаллаа. Нийгмийн даатгалын газраас хүсэлт гаргасан тохиолдолд өөр газар шийдвэрлэж өгөх боломжтой. 29 дүгээр сургуульд сурч байгаа хүүхдүүдийн эцэг эхчүүдээс сургууль орчмын тохижилт муу, ойр хавиар зорчиход хөгжлийн бэрхшээлтэй хүүхдүүдэд хүндрэлтэй байна гэсэн гомдол ирсэн. Цаашид тухайн газрыг чөлөөлж, тохижилтын ажлыг хийж, хүүхэд сурч, хүмүүжих таатай гадна орчныг бүрдүүлэх чиглэлээр ажиллана” гэж ярилаа хэмээн нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 4 сарын 05
БНХАУ-ын Элчин сайдын яамны дэмжлэгтэйгээр Монгол Улсын Их сургууль “Монгол-Хятадын Найрамдал” хятад номын уншлагын танхимтай боллоо.
-
2017 оны 4 сарын 05
Бээжин хотноо дөрөвдүгээр сарын 7-ны өдөр явагдах “Транзит Монгол-2017” форумд Монгол Улсын тээврийн томоохон салбар болох төмөр замын тээврийн асуудлаар хэлэлцэнэ.
Манай улсын төмөр замын тээврийн коридор нь Ази-Европыг холбосон олон улсын тээврийн коридоруудын нэг болохын хувьд БНХАУ-ОХУ, БНХАУ-Европ болон эсрэг чиглэлд дамжин өнгөрөх тээврийг хөгжүүлэх, ачаа урсгалын хэмжээг нэмэгдүүлэх, улмаар төмөр замын салбарын хөгжилд онцгой ач холбогдолтой.
Хоёр том гүрнийг холбож буй Монгол улс хоёр хөршөө төдийгүй ази, европыг холбох хамгийн дөт зам юм. Монгол, ОХУ, БНХАУ гурван улсыг холбосон Эдийн засгийн коридор байгуулах төсөлд гурван орныг хамарсан төмөр замын 7 төсөл тусгагдсан.
Форумын үр дүнд Монгол-Оросын хувь нийлүүлсэн УБТЗ нийгэмлэг БНХАУ-ын Төмөр замын ерөнхий компани хооронд хамтран ажиллах санамж бичигт гарын үсэг зурна.
Монголын төмөр замын өнөөгийн байдал, “Талын зам”, “Бүс ба зам”
• Дөт зам-Монголын төмөр замын гол шугам буюу ОХУ-ыг БНХАУ-тай холбож буй гол төмөр замын урт нь 1110 км жилдээ дунджаар 20 сая тн ачаа тээвэрлэж байна. Европ-Азийг холбосон тээврийн коридоруудын хамгийн өрсөлдөх чадвар бүхий Транс –Сибирийн гол тэтгэгч шугам. Уг коридор Казахстаны дамжин өнгөрөх коридороос 513, Манжуурын коридороос 748 км дөт юм.
• Ачааны хэмжээ өссөн-Өргөн царигтай, Монгол-Хятадын хилийн боомтууд дээр ачилт хийдэг. Монголын төмөр замаар тээвэрлэгдэж буй ачаа 2008 оныхтой харьцуулахад 2016 онд 20 хувиар өссөн.
• Ачаа шилжүүлэх хугацаа богиноссон-Замын-Үүдэд чингэлэг шилжүүлэн ачихад зарцуулах хугацааг 420 минутаас 240 минут болгосон. Мөн ачааг аюулгүй тээвэрлэх, тээврийн тарифыг хямдруулах арга хэмжээг хэрэгжүүлж байна. /Шилжүүлэн ачилтын зардал 65 хувиар буурсан/
• Дамжин өнгөрөх хугацаа хурдассан-Дамжин өнгөрөх хугацааг ОХУ-БНХАУ 28 цаг, БНХАУ-ОХУ 31 цаг болгон хурдасгасан. ОХУ-БНХАУ 5,5 хоног, БНХАУ-ОХУ 6,5 хоног. Хоногт ачаа тээвэрлэх зай 850-950 км болсон
• Тээврийн үнийн хөнгөлөлт-2006 оноос үйлчилж байна
-ОХУ-БНХАУ 1-р бүлэг 50%, 2-р бүлэг 30% /мод /15%/, нефть /15%//
-БНХАУ-ОХУ 1, 2-р бүлэг 60 хувь /кокс /50%//
• Нөөц-Жилдээ Монголын нутгаар 800-1000 галт тэрэг дамжуулан тээвэрлэх нөөц байна. БНХАУ-аас Европ руу 2016 онд 1702 галт тэрэг аялснаас 167 нь Монголын нутаг дэвсгэрээр
Хүрэх үр дүн
• Нэгдсэн бичиг баримттай болох
• Гааль тээвэрт ачааны нэгдсэн ангилалтай болох
• Мэдээллийн нэгдсэн сүлжээ
-
2017 оны 4 сарын 05
Хөдөлмөрийн аюулгүй байдлаа хангаж ажиллаагүйгээс
-
2017 оны 4 сарын 05
Говийн аймгуудаар буюу урагш чиглэлэд шороон шуурга шуурч, баруун зүг рүү буюу Дархан-Уул, Орхон, Сэлэнгэ, Булган, Хөвсгөл аймгийн чиглэлд цас орж, цасан шуурга шууран замын үзэгдэх орчин хязгаарлагдмал, замын гадаргууд хальтиргаа гулгаа үүсссэн байна.
Иймд дээрх чиглэлд зорчиж буй жолооч та замын нөхцөлд хурдаа зөв тохируулах, өөрөө болон зорчигч нарыг хамгаалах бүс хэрэглүүлэх, гүйцэж түрүүлэх үйлдлийг зөв хийх, техникийн бүрэн бүтэн байдлыг хангаж хөдөлгөөнд оролцохыг Замын цагдаагийн албанаас зөвлөж байна.
-
2017 оны 4 сарын 05
Улаанбаатар хотод тулгамдсан томоохон нэг асуудал нь автозамын түгжрэл. Түгжрэлийн гол шалтгаан нь стандартын шаардлага хангасан зогсоолгүйтэй холбоотой гэсэн судалгааны дүн гарчээ. Тиймээс хотын түгжрэлийг бууруулах хамгийн зөв гарц нь зогсоолын тоог нэмэгдүүлэх явдал гэж хотын удирдлагууд үзэж байна. Бүтээн байгуулалтын улиралд ч автозогсоол олноор байгуулахаар төлөвлөж байна. Тодруулбал, энэ онд нийслэлд 70 орчим байршилд зогсоол байгуулна. Ялангуяа гуравдугаар шатлалын үйлчилгээ үзүүлдэг улсын томоохон эмнэлгүүдийн гаднах зогсоолыг шийдэхээр төлөвлөж байна.
Өнөөдөр Нийслэлийн Засаг дарга бөгөөд Улаанбаатар хотын захирагч С.Батболд, Улаанбаатар хотын Ерөнхий менежер Т.Гантөмөр, нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү болон холбогдох газар, агентлагийн дарга нар Улаанбаатар хотод хийгдэхээр төлөвлөгдөж буй авто зогсоол, тохижилт, ногоон байгууламжийн бэлтгэл ажилтай танилцлаа. Тухайлбал, БГД-ийн 5 дугаар хорооны нутаг дэвсгэр, БГД-ийн 7 дугаар хорооны нутаг дэвсгэр, Гэмтэл согог судлалын үндэсний төв, СХД-ийн 12 дугаар хороо, СХД-ийн нэгдсэн эмнэлэг зэрэг газруудад ажиллав.
Хотын дарга хэлэхдээ “Томоохон төвлөрсөн эмнэлгүүдийн гаднах зогсоол эзэнгүй, иргэд машинаа байрлулах боломжгүй байна. Эмнэлэгт ихэвчлэн яарч сандарсан өвчтэй хүмүүс ирдэг. Тухайлбал, бидний ирээд байгаа Гэмтэл согог судлалын үндэсний төвд гэхэд гэмтэж бэртсэн, эмнэлгийн тусламжийг цаг алдалгүй авах шаардлагатай хүмүүс ирдэг. Гэтэл энд ирээд машинаа байрлуулах зогсоол хайсаар байгаад цаг хугацаа алддаг байдал бий. Тиймээс бидний энэ жилийн томоохон зорилт бол улсын болон дүүргүүдийн эмнэлгүүдийн гаднах зогсоолыг шийдэх явдал. Үүний нэг нь Гэмтлийн эмнэлгийн гаднах зогсоол. Одоо бол 40-50 машин ирэхэд дүүрчихэж байна. Үүнийг180 автомашины зогсоолтой, 3 тийшээ гардаг гарцтай болгох шаардлага байгаа.” гэлээ.
Үүнээс гадна хотын зарим хэсэгт төлбөртэй зогсоол байгуулахаар төлөвлөж байна. Энэ талаар хотын дарга хэлэхдээ “Бид төлөвлөсөн 70 орчим байршлаа хувийн хэвшлийнхэнд өгч, төр-хувийн хэвшлийн түншлэлээр төлбөртэй зогсоолуудыг бий болгоно. Нийслэлийн Иргэдийн төлөөлөгчдийн хурлаар зогсоолын төлбөрийн асуудлыг оруулна.” хэмээв.
4 давхар 400 автомашины дулаан зогсоол барина
Хотын даргаар ахлуулсан албан хаагчид СХД-ийн 12 дугаар хорооны нутаг дэвсгэр орон сууцны 1 дүгээр байрны зүүн талын гражнуудын нөхцөл байдалтай танилцлаа. 900 метр квадрат хэмжээтэй уг газарт 62 ширхэг тоосгон граж байгаа юм. Үүний оронд 4 давхар, 400 автомашины дулаан зогсоол байгуулахаар төлөвлөж байна. Нийслэлийн хот төлөвлөлт, Ерөнхий төлөвлөгөөний газрын орлогч дарга Ц.Уртнасан хэлэхдээ “400 автомашины дулаан зогсоол барих төслийн зураг төсөл бэлэн болсон. Удахгүй гүйцэтгэгчээ шалгаруулна. 5 дугаар сарын эхэн гэхэд ажлыг эхлүүлэх төлөвлөгөөтэй байна. Гүйцэтгэгч компани одоо байгаа гражнуудын эзэмшигчидтэй тохиролцоно.” хэмээн ярилаа.
Эмнэлгүүдийн гаднах зогсоолын тохижилтыг сайжруулна
Сонгинохайрхан дүүргийн нэгдсэн эмнэлэг 300 гаруй мянган хүн амд үйлчилдэг, томоохон эмнэлгүүдийн нэг. Зогсоолын хүртээмж муугаас иргэдэд багагүй чирэгдэл учирдаг. Тиймээс эмнэлгийн ойр орчмын автозогсоол бүхий хэсгийг тохижуулахаар төлөвлөн ажиллаж байна. Энэ талаар Нийслэлийн Захирагчийн ажлын албаны Тохижилт, хог хаягдлын удирдлагын хэлтсийн дарга Г.Ууганбаяр хэлэхдээ “СХД-ийн нэгдсэн эмнэлгийн ард талд 65 автомашины зогсоол байгуулахаар зураг төсөл бэлэн болсон. 5 дугаар сард ажил эхэлж, 6 дугаар сарын 10 гэхэд дуусгахаар төлөвлөж байна. Мөн эмнэлгийн зүүн талын зам 1 урсгалтайгаас түргэний тэрэг ухарч гарах зэрэг хүндрэл их. Үүнийг 2 урсгал 2 эгнээтэй болгож өргөтгөнө.” хэмээн ярилаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 4 сарын 05
Өнгөрөгч гуравдугаар сарын 25-нд Италийн Турин хотод 22 настай Монгол залуу хүчингийн хэрэг үйлджээ.
-
2017 оны 4 сарын 05
Монгол Улсад хөдөлмөр эрхлэх, хөрөнгө оруулах, суралцах зорилгоор оршин суух гадаадын иргэн нь Монгол Улсын хилээр нэвтэрсэн өдрөөс хойш 21 хоногийн дотор оршин суух зөвшөөрлийн үнэмлэхийг гадаадын иргэний асуудал эрхэлсэн төрийн захиргааны байгууллагаас авах үүрэгтэй.
Уг 21 хоног нь хуанлийн өдрөөр тоологдох ба гадаадын иргэн Монгол Улсад орж ирсэн өдрөөс хойш бүртгэл хийлгэх ажлын 7 хоногийг багтаан тооцно.
-
2017 оны 4 сарын 05
Монгол Улсад Гэмт хэргээс урьдчилан сэргийлэх ажлыг зохицуулах зөвлөл, Нийслэлийн Засаг даргын Тамгын газар, Нийслэлийн цагдаагийн газартай хамтран Нийслэл хотод үйлдэгдэж байгаа гэмт хэргийг бууруулах, урьдчилан сэргийлэх ажлын хүрээнд орон сууцны орц, гадна орчин, гэр хорооллын гудамж, талбай зэрэг газруудыг камержуулж иргэдийн эрүүл, аюулгүй орчинд амьдрах нөхцөлийг бүрдүүлэх, гэмт хэргээс урьдчилан сэргийлэх ажилд иргэд, олон нийтийн оролцоог нэмэгдүүлэх зорилгоор 60 сая төгрөгийн шагналын сантай “Камержуулалт” болзолт уралдааныг энэ сарын 1-ний өдрөөс зургаадугаар сарын 1-ний өдөр хүртэл хоёр сарын хугацаатай зарлаж байна.
Болзолт уралдааны гол зорилго нь иргэд, оршин суугчдын эрүүл аюулгүй орчинд амьдрах нөхцөлийг бүрдүүлэх, орон сууц түүний гадна орчин, гэр хорооллын гудамж, хүүхдийн тоглоомын талбай зэрэг газруудыг камержуулах гэмт хэргээс урьдчилан сэргийлэх ажилд иргэд, олон нийтийн оролцоог нэмэгдүүлж нийслэл хотод үйлдэгдэж байгаа гэмт хэргийг бууруулах, урьдчилан сэргийлэхэд оршиж байгаа аж.
Нийслэлийн цагдаагийн газрын дарга, Цагдаагийн хурандаа Ж.Эрдэнэболд “Иргэд, оршин суугчдын оролцоотойгоор камержуулах болзолт уралдааныг өнөөдрөөс эхлүүлж байна. Энэ ажлын хүрээнд орц, гудамж, зам, талбайд хяналтын камер байршуулсан нийслэлийн дүүрэг, хороод, иргэд, СӨХ, хөршийн хяналтын бүлгүүдийг шагнаж урамшуулах юм. Шагналын сан 60 сая төгрөг байгаа. Камержуулсаны үр дүнд гэмт хэргийг гарсны дараа бус гарахаас нь өмнө урьдчилан сэргийлэх бүрэн боломжтой. Өмнө нь хяналтын камерын тусламжтайгаар гэмт хэргийг цаг алдалгүй илрүүлж байсан олон сайн жишээ бий” хэмээлээ.
Нийслэлийн хэмжээнд 2017 оны эхний гурван сард 4353 гэмт хэрэг бүртгэгдсэн нь өмнөх оны мөн үеэс 556 нэгжээр буюу 11.3 хувиар буурсан үзүүлэлттэй байгаа юм. Үүнээс гэр орон сууцанд 1408 хэрэг бүртгэгдсэн нь мөн үеэс 386 нэгжээр буюу 21.5 хувиар, гудамж талбайд 947 гэмтт хэрэг бүртгэгдсэн нь өмнөх оны мөн үеэс 7.4 хувиар тус тус буурсан аж гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 4 сарын 05
Нийслэлийн “Хот тохижилтын газар” ОНӨААТҮГ-ын Ногоон байгууламжийн алба нийтийн эзэмшлийн гудамж талбайн хаврын арчилгааны ажлаа 2017 оны гуравдугаар сарын 28-ны өдрөөс эхлүүллээ. Уг ажлын хүрээнд хариуцсан нийтийн эзэмшлийн хуваарьт гудамж талбайн ногоон байгууламжийн мод, ургамлын хашлагын хог, навчийг цэвэрлэн мод, бут сөөгний тогооны хөрс сийрүүлэлтийг хийж байна. Мөн хаврын цэнэг усалгааг эхлүүлэн Энхтайваны өргөн чөлөө, Чингисийн өргөн чөлөө, Нийслэл хүрээ өргөн чөлөө, Олимп, Нарны зам, Их Монгол зэрэг гудамжнуудын зүлэгт талбай болон мод, бут, сөөгний титэм салааг нийт 8 машин ашиглан угааж байгаа юм. Өнөөдрийн байдлаар Сөүлийн гудамж, Засгийн Газрын Ордны 2 тал, Цэрэндоржийн гудамжинд нийт 147 ширхэг улиас модонд цэвэрлээний огтлол, хэлбэржүүлэлтийн ажил хийж гүйцэтгэсэн ба Энхтайваны өргөн чөлөөнд уг ажил үргэлжилж байна гэж нийслэлийн Хот тохижилтын газраас мэдээллээ.
-
2017 оны 4 сарын 05
ашаа, гудамжиндаа гал алдсан гэх хоёр дуудлага цагдаагийн байгууллагад иржээ.
-
2017 оны 4 сарын 05
Цагдаагийн алба хаагч дөнгөж төрсөн нярайн амийг аварчээ. Гуравдугаар сарын 30-ны өдрийн 08 цаг 25 минутанд
-
2017 оны 4 сарын 05
Сэлэнгэ аймгийн Мандал сум буюу Зүүнхараагийн онцгой байдлын албаны офицер У эхнэрээ хэрцгийгээр хөнөөсөн хэрэгт холбогджээ.
-
2017 оны 4 сарын 05
“Номин холдинг”-той холбоотой дуулиан байсхийгээд л гардаг. Тэгвэл энэ удаа “Номин фейшн” ХХК-ийнхан хүний аминд хүрэх шахжээ. Баянгол дүүргийн 14 дүгээр хороонд үйл ажиллагаа явуулдаг “Номин фейшн” ХХК-ийн “Номин их дэлгүүр”-ийн бэлэн хувцасны “Теранова” тасгийн дүүжин тааз нурж, дөрвөн иргэн гэмтэж, олон хүнийг сандаргасан хэрэг гарсан байна.
-
2017 оны 4 сарын 05
Нийслэлийн прокурорын газраас мөрдөн байцаалтын өндөр хугацаатай, зарим удаашран шалгагдсан хэргүүдийг шүүхэд шилжүүлжээ.
-
2017 оны 4 сарын 05
Өнөөдөр 11:00 цагт нийслэл хотын төв талбайд ерөнхий боловсролын сургуулийн 3333 сурагч “Тусгаар тогтнол” шүлгийг уншихаар болжээ.
-
2017 оны 4 сарын 05
Малчид, тээвэрчид, иргэдэд зориулсан мэдээ: Өнөөдөр зүүн зүгийн нутгаар хур тунадас орж, говь талын нутгаар салхи шуургатай байна.
-
2017 оны 4 сарын 05
”Эрдэнэт Үйлдвэр”-ийн ТУЗ өнөөдөр хуралдаж зарим шийдвэр гаргасан талаар манай сэтгүүлч газар дээрээс нь мэдээлсэн юм.
Энэ талаар ЭНД дарж уншина уу.
Шинээр томилогдсон буюу төрийн төлөөллөөс 100 хувь бүрдсэн гэх Төлөөлөн Удирдах Зөвлөл өөрсдийн цалин хэмжээг нууцалж байсан юм.
Харин тус үйлдвэрийн гүйцэтгэх захирал Х.Бадамсүрэн нарын цалинг сарын 25 сая төгрөг гэж зарим эх сурвалж мэдээлж байсан нь батлагдлаа.
Бидэнд олдсон баримтуудад ”Эрдэнэт Үйлдвэр”-ийн Гүйцэтгэх захирал Х.Бадамсүрэн сарын 10 мянган доллар буюу 24.5 сая төгрөгийн цалин авна. Өөрөөр хэлбэл ЭҮ-ийн захирлын жилийн цалин 294 сая төгрөг болж байна.
Харин ТУЗ-ийн гишүүдийн цалинг харвал Эрдэнэт Үйлдвэрийн ТУЗ-ийн дарга жилийн 38,400 ам.доллар буюу 94 сая төгрөгийн цалин авах нь.
Мөн ТУЗ-ийн гишүүн тус бүр жилд 71.3 сая төгрөгийн цалин зөвхөн ТУЗ-ийн гишүүнийхээ хувьд авах нь ээ.
Төрийн өмчит компаниудын захирал, ТУЗ-ийн гишүүдийн цалин, хангамжийг танана гэсэн энэ Засгийн газрын амлалт ийнхүү талаар болж байна.
-
2017 оны 4 сарын 05
Өчигдөр /04 сарын 03-нд/ Улаанбаатар хот дахь “Эрдэнэт” үйлдвэрийн төлөөлөгчийн газарт хууль бусаар байгуулагдсан ТУЗ анхны хурлаа эхлүүлсэн. Харамсалтай нь хэрэгт дуртай хэвлэлийнхэн шаваад, бүтэц хангамжийн асуудлыг эцэслэн шийдвэрлэх боломж олгоогүй юм. Тиймээс өнөөдөр Эрдэнэт хот дахь ГОК-ийн байранд төрийн төлөөлөл бүхий ТУЗ-ийн анхдугаар хурал үргэлжилсэн. Тус хурлыг сурвалжлахаар очсон төвийн хэвлэлийнхнийг оруулаагүй төдийгүй, цагдаагийн хамгаалалтыг нэмэгдүүлж, олон цагийн турш бүгжээ. Ингээд эцэст нь хурлын шийдвэр гарч, гурван асуудлыг хэлэлцэж баталсан байна.
ТУЗ-ийн гишүүдийн нэг сарын цалинг 4000 доллар болгов
Төрийн өмчит байгууллагуудад хийсэн шалгалтын дүнг мэдээлэх үедээ Ц.Ням-Осор дарга Эрдэнэтийн ТУЗ-ийн гишүүдийн цалинг 250 мянгаас хэтрүүлэхгүй тогтооно гэж хэлж байсан. Гэвч шинэ ТУЗ-ийн гишүүдийн сарын цалинг 4000 ам.доллароор тогтоолоо. Ийнхүү Ц.Ням-Осор даргын сэтгүүлчдийн өмнө хэлсэн тоо төрийн хөшигний цаана ийнхүү 40 дахин нэмэгдлээ.
Х.Бадамсүрэн захирлын сарын цалинг 25 сая төгрөг болгон нэмлээ
ТУЗ-ийн хурлаар гүйцэтгэх захирлын цалинг 25 сая төгрөг болгов. Гэхдээ үүнд урамшуулал, нэмэлт цалин ороогүй. Х.Бадамсүрэн захирал ажлаа авангуутаа 01 тоот тушаалаараа өөрийн хэрэгцээнд зориулж 300 сая төгрөгөөр автомашин худалдан авахыг үүрэгдсэн нь баримтаар нотлогдсон. “Монголын хамгийн том үйлдвэрийн дарга цагтаа онгоц хөлөглөдөг байлаа. Аюулгүй байдлаа хангаж шинэ машин авалгүй яахав” хэмээн намын нөхөд нь өмгөөлөн бичиж байсан. Харин өмнөх захирлын хэрэгцээнд унаж байсан машин нь жил гаруйн өмнө шинээр авсан байсныг тэд дурдсангүй.
Х.Бадамсүрэнг тойрсон таван орлогч, долоон зөвлөх!
“Эрдэнэт” үйлдвэрийн гүйцэтгэх захирлыг таван хүн орлохоор болжээ. Одоогийн байдлаар гурван дэд захирал ажилладаг. Үүн дээр Нийгмийн асуудал хариуцсан дэд захирал, Хөгжлийн асуудал хариуцсан дэд захирал хэмээх хоёр орон тоо нэмлээ. Эрдэнэт үйлдвэрийн мөнгийг нийгмийн асуудлын хүрээнд гэх нэрийн дор элдэв тэмцээн уралдаан, цэнгүүн зохион байгуулж, баруун солгойгүй цацдаг ажлыг дээрх захирлууд хариуцах нь. Оросын тал 49 хувийг эзэмшдэг байхад “нийгмийн хариуцлагын хүрээнд” хэмээн жилд дундажаар 25 тэрбум орчим төгрөг зарцуулснаа “ах нараар” хүлээн зөвшөөрүүлдэг байв. Тэр мөнгөнөөс Эрдэнэтийн нийгмийн асуудлыг шийдвэрлэхэд хичнээнхэн нь зарцуулсныг хэзээ ч мэдэх боломжгүй биз. Үүнээс гадна Х.Бадамсүрэн захиралд долоон зөвлөх томилжээ. Монгол Улсын Ерөнхийлөгчид ч байхгүй зөвлөхтэй болов. Түүхэндээ Эрдэнэт үйлдвэрийн удирдлага ингэж данхайж ирсэн удаагүй. Долоон зөвлөхийн цалин хангамж дэд захирлуудын зиндаанд яригджээ. ТУЗ-ийн хурлаас гаргасан хамгийн ноцтой шийдвэр нь Хуулийн хэлтэст харъяалагддаг байсан Худалдан авах газрыг гүйцэтгэх захирлын шууд удирдлаган дор ажиллуулахаар болгож өөрчсөн явдал юм. Х.Бадамсүрэнгийн намтар түүхийг сайн мэдэх хүмүүс “Чононд хонь хадгалууллаа” хэмээн халаглаж сууна. Ийнхүү эрх баригчид ямар ч хамаагүй аргаар Эрдэнэт үйлдвэрийг зуун хувь төрийн өмчид авч, “шахаа” хийх боломжоо бүрдүүлж авлаа.
Э.Бат
-
2017 оны 4 сарын 05
Баянзүрх дүүргийн эрүүгийн хэргийн анхан шатны шүүх дээр өнөөдөр Т.Цогт, Г.Маралмаа нарын шүүх хуралдаан боллоо.
