-
2017 оны 4 сарын 25
с
-
2017 оны 4 сарын 25
Ц.Ням-Осор өөрөө сүүлийн үеийн машинтай болохын тулд Засгийн газрын чиглэл зөрчиж Х.Бадамсүрэнг “LX 570” 300 саяар авахыг зөвшөөрчээ
“Эрдэнэт” үйлдвэрийн ерөнхий захирал Х.Бадамсүрэн ажлаа авснаасаа хойш төрийн мөнгөөр тансаглаж байгаа олон баримт ил болоод байгаа. Гэхдээ тэр ганцаараа энэ бүхний эзэн биш ажээ. Учир нь “Эрдэнэт” үйлдвэрийн өмнөх захирлын хэрэглэж байсан жил гаруйхан хугацаанд унасан “LX 570” машиныг ТӨБЗГ-ын дарга Ц.Ням-Осорт шилжүүлсэн нь шинэ баримтаар нотлогдлоо. Нэг үгээр, Ц.Ням-Осор өөрөө 570 унахын тулд Х.Бадамсүрэнг Засгийн газрын чиглэлийг зөрчин байж, үйлдвэрийн хөрөнгөөс 300 сая төгрөг гаргуулан шинэ “LX 570” худалдан авахыг нь зөвшөөрчээ.
Баримтыг харвал Төрийн өмчийн бодлого зохицуулалтын газар 2016 оны 11-р сарын 24-ний өдөр Эрдэнэт үйлдвэрт машин гаргаж өгөхийг шаардсан албан бичиг хүргүүлсэн байна. Энэ нь Х.Бадамсүрэнг үйлдвэрийн Ерөнхий захирлаар томилсон өдөртэй давхцаж байгаа нь энгийн тохиолдол гэхэд бэрх. Ц.Ням-Осор өөрийнхөө хүнийг удирдлагаар томилуулчихаад жижиг Бенз машин унаад явж тэсээгүй биз. Энэ албан бичгийг үндэслэн “Эрдэнэт” үйлдвэрт ашиглагдаж байсан 0405 УНТ улсын дугаартай “LX 570” маркийн автомашиныг зөвхөн ерөнхий захирлын гарын үсгээр ТӨБЗГ-ын балансад шилжүүлжээ. Хуулиараа нэг байгууллагын балансаас нөгөө байгууллагын балансад ийнхүү өмчийг шилжүүлэхийг хориглодог. Харин манай дарга нарт хууль үйлчилдэггүйн бас нэг баталгаа энэ болж байна.
“Эрдэнэт”-ээс хувийн хэрэгцээндээ машин гаргуулж байгаа нь Ц.Ням-Осорын хувьд анхных биш. Өмнө нь “Эрдэнэт” үйлдвэрээс түүний шаардлагын хариуд 2008 оны загварыг гаргаж өгөхөд түлхүүрийг нь буцаагаад шидсэн гэж үйлдвэрийнхэн ярих юм билээ. Тиймээс ТӨБЗГ-ын даргын шаардлагаар Х.Бадамсүрэн хөл дүүжлэх унаагүй болж, “арга ядахдаа” 300 сая төгрөгөөр шинэ “LX 570” авч унасан байж болох юм.
-
2017 оны 4 сарын 25
29 дүгээр сургуулийн асуудал шуугиан тарьж байгаа энэ үед тус сургуулийн багш ажилчид өнөөдөр жагсаал хийхээр болжээ.
-
2017 оны 4 сарын 25
“Улаанбаатар зам засвар, арчлалтын газар” ОНӨААТҮГ-ын Үйлдвэрлэлийн алба энэ сарын 21-ний шөнө Сүхбаатар дүүргийн 4 дүгээр хороо, Улсын Их Дэлгүүрийн өмнө буюу Хичээнгүй сайд Б.Цэрэндоржийн гудамжинд лед гэрэл бүхий явган хүний гарцын тэмдэг хоёр ширхэгийг суурилууллаа. Уг тэмдэг нь хоёр талтай, нараар цэнэглэгдэх бөгөөд хураасан цэнэгээрээ 10 цаг тасралтгүй асахаас гадна цэнэг хураах хугацаа нь 6 цаг юм. Мөн -45о С - +70оС температурт ажиллах чадвартай төдийгүй ашиглалтын явцад ямар ч нэмэлт төлбөр гарахгүй зэрэг олон давуу талтай.
Ийнхүү программ хангамж, удирдлагыг монгол инженерүүд хийсэн лед гэрэл бүхий замын тэмдгийг анх удаа “Улаанбаатар зам засвар, арчлалтын газар” ОНӨААТҮГ үйлдвэрлэж, суурилууллаа гэж “Улаанбаатар зам засвар, арчлалтын газар” ОНӨААТҮГ-аас мэдээллээ.
-
2017 оны 4 сарын 25
Баянзүрх дүүргийн Засаг даргын Тамгын газар, Гэмт хэргээс урьдчилан сэргийлэх ажлыг зохицуулах зөвлөл, Цагдаагийн I, II, III хэлтсээс хамтран “1000 эргүүл” арга хэмжээг зохион байгуулж байгаа билээ. Уг нэгдсэн арга хэмжээний хүрээнд дүүргийн хэмжээнд гэмт хэргийн илрүүлэлт өсч, гэмт хэрэг, зөрчлийн тоо буурсан эерэг үзүүлэлт гарсан юм. Иймд дүүрэг дэх Цагдаагийн II хэлтсээс санаачлан “1000 эргүүл-2” арга хэмжээг эхлүүллээ. Энэ удаад Хууль сахиулахын их сургуультай хамтран нийтийн хэв журмыг сахиулах хамтарсан “1000 Эргүүл-2” ажиллуулж байна. Тус нэгдсэн арга хэмжээний хүрээнд Цагдаагийн I, II, III хэлтсийн 150 алба хаагч, Хууль сахиулахын их сургуулийн 1000 сонсогч хамтран 150 чиглэлд явган эргүүлийн үүрэг гүйцэтгэх юм хэмээн Баянзүрх дүүргийн Хэвлэл мэдээллийн албанаас мэдээллээ.
-
2017 оны 4 сарын 25
Монгол Улсад генерал цол бий болсны түүхт 73 жилийн ойн хүндэтгэлийн арга хэмжээ энэ сарын 28-ны өдөр болно. Генерал цолтонд хүндэтгэл үзүүлэх энэ жилийн арга хэмжээг Тагнуулын ерөнхий газраас зохион байгуулах юм.
Одоогоос 73 жилийн өмнө буюу 1944 оны дөрөвдүгээр сарын 28-ны өдөр БНМАУ-ын Ардын сайд нарын Зөвлөлийн тогтоолоор цэргийн гарамгай 11 зүтгэлтэнд генерал хэмээх цэргийн дээд цол олгосон түүхтэй.
Тиймээс жил бүрийн энэ өдрийг “Генералуудын өдөр” болгон тэмдэглэж, алтан мөрдэстэй генералууддаа тусгай чиг үүрэгтэй байгууллагууд ээлжлэн хүндэтгэл үзүүлдэг уламжлал тогтсон.
Монгол Улсын хэмжээнд зэвсэгт хүчин, цагдаа, онцгой байдал, тагнуул, хилийн цэрэг, шүүхийн шийдвэр гүйцэтгэх зэрэг хүчний байгууллагууд энэ өдрийг ээлжлэн зохион байгуулдаг гэж Онцгой байдлын ерөнхий газраас мэдээллээ.
-
2017 оны 4 сарын 25
29 дүгээр сургуулийн асуудал олны анхаарлыг татсаар байна. Өчигдөр “Ийгл Ньюс” телевизийн “Эрэн сурвалжлагч” нэвтрүүлгийн ээлжит дугаараар 29 дүгээр сургуулийн сурагчдад тулгамдаад буй асуудлыг хөндсөн.
-
2017 оны 4 сарын 25
Гадаадын иргэн, харьяатын газрын Хяналт шалгалтын газраас 2017 оны төлөвлөгөөний дагуу хяналт шалгалтууд явагдаж байна. Төлөвлөгөөт шалгалтад эмнэлэг, сургууль, үйлдвэр, засварын газар зэрэг Монгол Улсад үйл ажиллагаа явуулж буй бүхий л аж ахуйн нэгжүүд жилд 1-2 удаа хамрагддаг юм.
Энэ удаад Хяналт шалгалтын газраас гоо сайхны чиглэлээр ажиллагаа явуулж буй эмнэлэг, аж ахуйн нэгж, байгууллагуудад төлөвлөгөөт шалгалтыг 2017. 04. 18-25-ны хооронд удирдамжийн дагуу явуулж эхлээд байна.
Тэгвэл өчигдөр буюу 2017. 04. 24-нд Хяналтын улсын байцаагч Ч. Өсөхбаяраар ахлуулсан баг Эрүүл мэндийн яамны харьяа “ Найрамдал” эмнэлэг болон “Скай” эмнэлэгт ажиллалаа. Уг эмнэлгүүдийн хувьд үйл ажиллагаа явуулах гэрчилгээ, тусгай зөвшөөрөл , эмчийн эмчлэх эрхийн сертификат болоод тус эмнэлгийн ажилтнуудын Монгол Улсад оршин суух зөвшөөрөл нь ямар нэгэн зөрчилгүй, хууль ёсны дагуу хэвийн үйл ажиллагаа явуулж байлаа.
Харин өмнөх шалгалтын явцад гадаадын иргэд биедээ бичиг баримтаа авч яваагүй хэд хэдэн тохиолдол гарсан байна. Гадаадын иргэний эрх зүйн байдлын тухай хуулиар гадаадын иргэн нь “Паспорт болон Монгол Улсын эрх бүхий байгууллагаас олгосон оршин суух үнэмлэхийг биедээ авч явах үүрэгтэй” байдаг бөгөөд энэ үүргээ биелүүлээгүй тохиолдолд захиргааны хариуцлага хүлээх үндэслэл болдог байна. Тиймээс гадаадын иргэд ямар ч тохиолдолд өөрийн бичиг баримтаа биедээ авч явахыг мэргэжлийн хүмүүс сануулж байсан юм.
-
2017 оны 4 сарын 25
Өнөөдрөөс эхлэн ихэнх нутгаар цаг агаар дулаарна гэж Цаг, уур орчны шинжилгээний газраас мэдээллээ.
-
2017 оны 4 сарын 25
Хумхаа өвчин нь эгэл биет шимэгчээр үүсгэгддэг, цочмог халдварт өвчин. Дэлхийн Эрүүл мэндийн байгууллагын 2015 оны мэдээгээр 90 гаруй улс оронд хумхаа өвчнийг дамжуулагч шумуул тархсан байдаг ба дэлхийн хүн амын тэн хагас нь хумхаагийн эрсдэлт нутагт амьдарч байна.
Манай оронд хумхаа өвчний байгалийн голомт тэмдэглэгдээгүй ч Орхон, Туул, Онон, Балж, Улз, Хэрлэн, Халх голын сав нутагт хумхаагийн халдвар дамжуулагч A.Maculipennis, A.hyrcanis шумуул тархсан байдаг. Дэлхийд 2016 онд 212 сая хүн өвчилж, 429 000 нас баралт бүртгэгдсэн бол манай оронд хумхаагийн хүний өвчлөл тасралтгүй бүртгэгдэх болсон. 2009-2016 онд хумхаагийн хүний өвчний 11 тохиолдол бүртгэгдэжээ.
Халдварт бүх насны хүмүүс өртөж өвчилнө. Өвчний нууц үеийн хугацаа нь үүсгэгчийн төрлөөс хамаарч 7-25 хоног байна.
Өвчтөн даарч чичрэх, гэнэт халуурах, хөлрөх шинж тэмдэг дараалан явагддаг ба энэ шинж тэмдэг 1-ээс 3 өдрийн мөчлөгтэйгээр давтагдан үргэлжилдэг өвөрмөц онцлогтой. Үүнээс гадна толгой өвдөх, элэг, дэлүү томрох, арьс салст шарлах, цус багадах шинж тэмдэг илэрнэ.
Хүний биед хумхаагийн үүсгэгч 1.5 -3 жил хүртэл хадгалагдаж чаддаг учраас өвчин дахиж болдог. Иймд хумхаагаар өвчлөгсдөд дахин хумхаа өвчний шинж тэмдэг илэрвэл эмнэлгийн байгууллагад яаралтай хандаж оношилгоо эмчилгээнд орох нь нэн чухал.
Эмчлэгдээгүй болон дутуу эмчлэгдсэн өвчтөн зарим тохиолдолд хумхаагийн плазмоди тээгч болж, улмаар хумхаагийн халдварын эх уурхай болдог байна. Иймд хумхаа өвчнөөс урьдчилан сэргийлэх арга хэмжээний чухал хэсэг нь хумхааг үр дүнтэй төгс эмчлэх явдал юм.
Урьдчилан сэргийлэх:
Хумхаа өвчний голомтот бүс нутагт зорчих, аялах, албан томилолтоор явахдаа уг өвчний талаар эмнэлгийн байгууллагаас мэдээлэл заавар зөвлөлгөө авах;
Хумхаатай бүс нутагт зорчихдоо хумхаагийн шимэгч дарангуйлах эмийг хэрэглэх буюу нөөцлөх, голомттой бүс нутгагт зорчихоос 7 хоногийн өмнөөс хлороквин фосфатыг 500 мг-аар эсвэл мефлоквиныг 250 мг-аар 7 хоногт 1 удаа уух бөгөөд 4-өөс 6 долоо хоногийн турш эмчилгээг үргэлжлэн хийх нь хумхаагийн халдварт өртөхөөс сэргийлнэ;
Шумуулд хазуулахаас сэргийлж, урт ханцуйтай хувцас өмсөх, шумуул үргээгч бодисыг хэрэглэх, орон байрны хаалга, цонх, орондоо шумуулаас хамгаалах тор татах;
Шумуул үржих нөхцөлийг таслан зогсоож, усны савыг тагтай байлгах;
Өвчний дээрх шинж тэмдэг илэрсэн үед харьяа эрүүл мэндийн байгууллалагад хандах хэрэгтэй.
Нийслэлийн эрүүл мэндийн газар
-
2017 оны 4 сарын 25
Нийслэлийн Засаг даргын Тамгын газраас иргэдэд хандсан нээлттэй хаалганы өдөрлөгийг Д.Сүхбаатарын талбайд зохион байгуулж байна.
-
2017 оны 4 сарын 25
Нийтийн тээврийн хэрэгсэл байс гээд л осол гаргадаг.
-
2017 оны 4 сарын 25
Иргэн та, цагдаагийн байгууллага, алба хаагчтай холбоотой гомдол мэдээллийг 126 дугаарын утсанд өгөх боломжтой.
-
2017 оны 4 сарын 25
“Номин холдинг” ХХК хүнс, хувцас, цахилгаан барааны сүлжээ дэлгүүрээс гадна даатгал, харуул хамгаалалт, цэцэрлэг, цэвэрлэгээ зэрэг олон үйл ажиллагаа явуулдаг. Зарим нэг үйлчилгээ хэл ам дагуулдаг нь хэвлэл мэдээллийн хэрэгслүүдээр дүүрэн байгаа. Энэ удаад тус байгууллагын “Терранова”-аар орж гарахдаа дээд зэргээр сэрэмжтэй байхыг олон нийтэд сэрэмжлүүлж байна.
-
2017 оны 4 сарын 25
Монгол Улс, БНСУ-ын ГХЯ хоорондын Консулын IX зөвлөлдөх уулзалт Улаанбаатар хотноо болов. Консулын зөвлөлдөх уулзалтад монголын талын төлөөлөгчдийг ГХЯ-ны Консулын газрын захирал
-
2017 оны 4 сарын 25
Сүүлийн үед 29 дүгээр сургуулийн асуудал олны анхаарлыг татах болсон. Тэгвэл өчигдөр “Ийгл Ньюс” телевизийн “Эрэн сурвалжлагч” нэвтрүүлгийн ээлжит дугаараар 29 дүгээр сургуулийн сурагчдад тулгамдаад буй асуудлыг хөндөв.
-
2017 оны 4 сарын 25
Монголын Улсын өнцөг булан бүрт салбартай Төрийн банкнаас хүүхдийн баярыг тохиолдуулан “Яг түүн шиг” хүүхдийн хадгаламжийн урамшуулалт аяныг 2017.04.25-ны өдрөөс 2017.05.30-ны хооронд зарлалаа.
“Яг түүн шиг” хүүхдийн хадгаламжийн урамшуулалт аянд Төрийн банкинд хүүхдийн хадгаламж шинээр нээсэн, хүүхдийн мөнгөө хадгаламжтай холбосон, Автомат хуримтлалаа Хүүхдийн хадгаламжтай холбосон, хүүхдийн хадгаламждаа нэмсэн орлогын 50,000 төгрөг тутамд тус бүр нэг сугалааны эрхтэй оролцоно.
Аянд оролцсоноор Шанхайн Диснейлэнд руу аялах хос эрхийн эзэн болохоос гадна Нэг сая төгрөгтэй хадгаламжийн дэвтэр, хүүхдийн зусланд амрах эрх, унадаг дугуй, зуны турш Парк-д тоглох эрх, “Яг түүн шиг” шоу үзэх, фото зургийн уралдаанд оролцох, Мөнгөн шагнал гэх мэт олон олон Сюрприз та бүхнийг хүлээж байна.
Аяны азтануудыг 2016.05.31-ний 20 цаг 30 минутаас Боловсрол суваг телевизээр тодруулна.
Дэлгэрэнгүй мэдээллийг Төрийн банкны лавлах 1800-1881 дугаар болон өөрт ойрхон Төрийн банкны салбар нэгжээс лавлаарай.
Хэдэн эрхтэй урамшуулалт аянд оролцохоо www.statebank.mn сайтаас шалгах боломжтой
ТӨРИЙН БАНК
Эрсдэлгүй ирээдүйн баталгаа
-
2017 оны 4 сарын 25
бугын эвэр түүхийг хориглосон тушаал гаргажээ
-
2017 оны 4 сарын 25
Сонгинохайрхан дүүргийн Гэмт хэргээс урьдчилан сэргийлэх ажлыг зохицуулах зөвлөлөөс “Гэмт хэргээс урьдчилан сэргийлэх ажлын үр нөлөөг дээшлүүлэх нь” сэдэвт уулзалт, зөвлөгөөнийг өчигдөр зохион байгууллаа. Зөвлөлгөөнд Нийслэлийн Иргэдийн Төлөөлөгчдийн хурлын дарга бөгөөд нийслэлийн Гэмт хэргээс урьдчилан сэргийлэх ажлыг зохицуулах зөвлөлийн дарга Ц.Сандуй, УИХ-ын гишүүн Б.Ундармаа Сонгинохайрхан дүүргийн Иргэдийн Төлөөлөгчдийн Хурлын дарга бөгөөд дүүргийн Гэмт хэргээс урьдчилан сэргийлэх ажлыг зохицуулах зөвлөлийн дарга Б.Мөнхцэцэг, Сонгинохайрхан дүүргийн Засаг дарга, дүүргийн Гэмт хэргээс урьдчилан сэргийлэх ажлыг зохицуулах зөвлөлийн орлогч дарга Ж.Сандагсүрэн болон зөвлөлийн гишүүд, дүүргийн удирдлагууд, Цагдаагийн 1, 2, 3 дугаар хэлтэс, Замын цагдаагийн хэлтэс, Онцгой байдлын хэлтэс, Цэргийн штаб, Засаг даргын Тамгын газрын хэлтэс алба, тасгийн дарга нар, хороодын Засаг дарга нар болон иргэдийн төлөөлөл оролцлоо. НИТХ-ын дарга, бөгөөд нийслэлийн Гэмт хэргээс урьдчилан сэргийлэх ажлыг зохицуулах зөвлөлийн дарга Ц.Сандуй зөвлөгөөнийг нээж хэлсэн үгэндээ “Хотын оршин суугчдын эрүүл, аюулгүй орчинд ажиллаж, амьдрах нөхцөлийг хангах нь бидний эрхэм зорилго. Зорилтынхоо хүрээнд ирэх 4 жилийг “Аз жаргалтай хот” цогцлоохын төлөө эдийн засгийн хямралын сөрөг нөлөөг зөөлрүүлэх, иргэдийн амьжиргааны түвшинг хамгаалан дээшлүүлэх, орон сууцны бодлогоо шинэчлэх, хотын байгууллага, иргэдийн байршил, суурьшлыг зохицуулах, хотын эрх зүйн орчинг бүрдүүлэх зэрэг замаар бодит ажлыг өрнүүлэн ажиллаж байна. Эдгээр эрхэм зорилтыг хэрэгжүүлэх үйлсийн үндэс нь нийгэмд хууль, эрх зүйн засаглалыг тогтвортой төлөвшүүлэх, хуулийн хүрээнд дэг журмыг бэхжүүлэхэд оршиж байгаа юм. 2017 онд “Аз жаргалтай хот” хөтөлбөрөө хэрэгжүүлнэ. Энэ ажлын хүрээнд “Аюулгүй хот” төсөл боловсруулан батлуулж, хэрэгжилтийг үе шаттайгаар зохион байгуулна. Хотын хөгжил, бие даасан байдал, хөрөнгө санхүүгийн чадамж зэрэг амин чухал асуудлыг цогц байдлаар шийдвэрлэхийн тулд хотын эрх зүйн орчинг шинэчлэх шаардлагатай байгаа. Үүнийг иш үндэс болгон Хот тосгоны эрх зүйн байдлын тухай хуулийн шинэчилсэн найруулга, Нийслэлийн эрх зүйн байдлын тухай хуулийн шинэчилсэн найруулгыг боловсруулж, эдгээрийг дагалдах хуулийн төслийг бий болгож бэлтгээд байна” хэмээн онцлов.
Сонгинохайрхан дүүргийн “Гэмт хэргээс урьдчилан сэргийлэх ажлын үр нөлөөг дээшлүүлэх” зөвлөмжийг баталлаа. Түүнчлэн дүүргийн Гэмт хэргээс урьдчилан сэргийлэх ажлыг зохицуулах зөвлөлөөс зохион байгуулсан ажил, шүүхээр 2016 онд таслан шийдвэрлэгдсэн шүүн таслах ажиллагааны талаарх мэдээлэл, 2015, 2016 оны гэмт хэргийн харьцуулалт, 2017 оны нэгдүгээр улирлын гэмт хэргийн нөхцөл байдал, гэмт хэргээс урьдчилан сэргийлэх нөхцөл байдал, Замын хөдөлгөөний аюулгүй байдал, хорооны гэмт хэргээс урьдчилан сэргийлэх талаар мэдээлэл хүргэж цаашид авч хэрэгжүүлэх ажлын талаар холбогдох албаныхан танилцууллаа.
Дүүргийн Гэмт хэргээс урьдчилан сэргийлэх ажлыг зохицуулах зөвлөлийн дэргэд хулгайн гэмт хэрэг болон малын хулгайн гэмт хэрэгтэй тэмцэх, хүүхэд залуучуудыг осол эндэгдэл зөрчлөөс урьдчилан сэргийлэх, хөдөлгөөний аюулгүй байдлын эсрэг гэмт хэрэг зөрчлөөс урьдчилан сэргийлэх, архидан согтуурах, хар тамхи мансууралтай тэмцэх зэрэг 4 дэд зөвлөл ажиллаж байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 4 сарын 25
Нийслэлийн цагдаагийн газраас иргэдийн амар тайван байдлыг хангах, гудамж талбайд үйлдэгдэж буй гэмт хэрэг, зөрчлийг илрүүлэх, таслан зогсоох урьдчилан сэргийлэх зорилгоор 2017 оны 04 дүгээр сарын 18-ны өдрөөс 05 дугаар сарын 18-ний өдрийг хүртэл 1 сарын хугацаанд “Эргүүл” нэгдсэн арга хэмжээг Нийтийн хэв журмын хамгаалах газрын 70 алба хаагч дүүрэг дэх цагдаагийн хэлтсүүдтэй зохион байгуулж байна.
Арга хэмжээний хүрээнд гэмт хэрэг, зөрчил ихээр үйлдэгддэг 210 гаруй чиглэлд 420-460 алба хаагч, 1000 урамшилт эргүүл, 63 авто ажиллаж, 1623 хүн, 715 тээврийн хэрэгсэлд үзлэг шалгалт хийж, биеэ авч явах чадваргүй 168 иргэнийг ар гэр, асран хамгаалагчид нь хүлээлгэн өгч, 21 гэмт хэргийг шуурхай илрүүлэн ажиллаж байна.
