-
2015 оны 11 сарын 19
Бага насны хүүхдийг харгалзах хүнгүйгээр замын хөдөлгөөнд оролцуулахгүй байхыг анхааруулж байна
-
2015 оны 11 сарын 19
Нийслэлийн мэргэжлийн хяналтын газраас рентген оношилгооны чиглэлээр үйл ажиллагаа эрхэлдэг 42 байгууллагад шалгалт хийжээ.
-
2015 оны 11 сарын 19
Улаанбаатар хотын Замын цагдаагийн газрын ЖШУХ өчигдөр нийт 362 дуудлага мэдээ мэдээлэл хүлээн авсчээ. Үүнээс зам тээврийн ослын 296 дуудлага бүртгэгдсэн байна.
-
2015 оны 11 сарын 19
“Сод монгол” группийн захирал Ц.Анандбазарын хүү 17 настай Ц-г хөнөөсөн этгээдүүдийн гомдлыг өнөөдөр Нийслэлийн давж заалдах шатны шүүхэд хэлэлцэнэ.
-
2015 оны 11 сарын 19
Согтууруулах ундаа хэрэглэсэн үедээ хучлагатай автомашинаа халааж байгаад нас барсан хэрэг гарчээ.
-
2015 оны 11 сарын 19
Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Зөвлөл байгуулах тухай” А/891 дүгээр захирамж гаргалаа.
-
2015 оны 11 сарын 19
2015 оны 11 дүгээр сарын 17-ны өдөр Улаанбаатар хотын Замын цагдаагийн газрын ЖШУХ дээр нийт 340 дуудлага мэдээ мэдээлэл хүлээн авснаас зам тээврийн ослын 271 дуудлага бүртгэгдсэн байна. Үүнээс ХАБАЖЭГХэрэг 9 бүртгэгдэж 15 хүн хүнд хөнгөн гэмтсэн үүнээс жолооч-0, явган зорчигч-5, зорчигч-10. Хүүхэд зам тээврийн осолд өртсөн 4 үүнээс сургуулийн өмнөх насны 2, сургуулийн насны 2, согтууруулах ундааны зүйл хэрэглэсэн үедээ хөдөлгөөнд оролцсон жолооч 2, явган зорчигч 0. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 4, явган зорчигч 2. Согтуугаар тээврийн хэрэгсэл жолоодсон 59 жолоочийг журамлан гарч болзошгүй осол хэргээс урьдчилан сэргийлсэн.
-
2015 оны 11 сарын 19
Нийслэлийн ИТХ-ын Тэргүүлэгчид маргааш хуралдана
-
2015 оны 11 сарын 19
Цахимаар газар өмчлүүлэх дөрөвдүгээр ээлж өнгөрөгч наймдугаар сард болсон билээ. Дөрөвдүгээр ээлжид Баянзүрх, Сонгинохайрхан, Хан-Уул дүүргийн нийт 22 байршлын 8727 га газарт 34857 иргэнд газар өмчлүүлсэн. Тэгвэл эдгээр газрыг өмчлөхөөр сонгогдсон ч өдийг хүртэл баталгаажуулж аваагүй байсан иргэдийн бүртгэлийг хүчингүй болгож байгаа юм. Ингээд тус газруудад дахин цахимаар өмчлүүлэхээр болжээ.
Тэгвэл дөрөвдүгээр ээлжийн нэмэлт бүртгэл маргааш 11.00 цагт эхлэх гэж байна. Харин хэдэн иргэнд газар өмчлүүлэх, хэдий хугацаанд цахим бүртгэл явуулах эсэхийг маргааш танилцуулна хэмээн нийслэлийн Өмчийн харилцааны газраас мэдээллээ.
Цахим бүртгэлд оролцох иргэд нийслэлийн Өмчийн харилцааны газрын WWW.UMCH.UB.GOV.MN сайтаар орж бүртгүүлнэ.
-
2015 оны 11 сарын 19
Онцгой байдлын ерөнхий газрын дэд дарга, онцгой байдлын хурандаа Г.Ариунбуян өнөөдөр АНУ-ын Аляскийн үндэсний гвардын комиссар, бригадын генерал, хатагтай Лауре Хаммел тэргүүтэй төлөөлөгчдийг хүлээн авч уулзлаа.
-
2015 оны 11 сарын 19
Улсын Их Хурлын гишүүн, Засгийн газрын гишүүн, Монгол Улсын Шадар сайд Ц.Оюунбаатар, Онцгой байдлын ерөнхий газрын дарга, бригадын генерал Т.Бадрал тэргүүтэй төлөөлөгчид 2015 оны 11 дүгээр сарын 17-19-ний өдрүүдэд БНЭУ-ын Шинэ Дели хотноо НҮБ-ын гамшгийн эрсдэлийг бууруулах газраас (UNISDR) зохион байгуулж байгаа Гамшгийн эрсдэлийг бууруулах чиглэлээр 2015-2030 онд хэрэгжүүлэх “Сендайн хүрээ баримт бичиг”-ийг бүс нутагт хэрэгжүүлэх Азийн удирдагчдын хурал, 2015 оны Азийн түншлэлийн 2 дугаар уулзалтад тус тус оролцож байна.
Дэлхийн улс орнууд гамшгийн эрсдэлийг бууруулах чиглэлээр дэвшүүлсэн зорилго, тэргүүлэх чиглэл, хэрэгжүүлэх арга хэмжээ, хүлээх үүрэг хариуцлагын талаар тусгасан “Сендайн хүрээ баримт бичиг”-ийг 2015 оны 3 дугаар сард Япон Улсын Сендай хотноо 187 орны төлөөлөгчид оролцсон Гамшгийн эрсдэлийг бууруулах дэлхийн 3 дугаар бага хурлаас батлан гаргасан билээ.
20151117_115610_resized
Азийн удирдагчдын хурал болон Азийн түншлэлийн уулзалтаар гамшгийн эрсдэлийг бууруулах олон улсын стратегийг Ази тивд хэрэгжүүлэх чиглэлээр баримтлах бодлого, хөтөлбөр, туршлага сургамж, тулгамдаж буй асуудал, шийдвэрлэх арга замыг тодорхойлох, “Сендайн хүрээ баримт бичиг”-ийг Ази тивд хэрэгжүүлэх стратеги төлөвлөгөөний төсөл, Азийн улс орнуудын гамшгийн эрсдэлийн менежментийн нөхцөл байдлын тайлангийн явцыг хэлэлцэж байна.
Хурлын үеэр Шадар сайд тэргүүтэй төлөөлөгчид НҮБ-ын Ерөнхий нарийн бичгийн даргын Гамшгийн аюулыг бууруулах асуудал хариуцсан тусгай төлөөлөгч Маргарета Волстром, БНЭУ-ын Дотоод хэргийн сайд Ражнат Сингх, Дотоод хэргийн дэд сайд Кирен Рижижу, Япон Улсын Төрийн сайд Фумиаки Мацумото нартай тус тус ажлын уулзалт хийж, гамшгийн эрсдэлийг бууруулах чиглэлээр хамтын ажиллагааг бэхжүүлэх, 2016 онд БНЭУ-д зохион байгуулагдах Гамшгийн эрсдэлийг бууруулах Азийн сайд нарын анхдугаар бага хурал болон 2018 онд Улаанбаатар хотод зохион байгуулагдах хоёрдугаар бага хурлын бэлтгэл ажил, “Сендайн хүрээ баримт бичиг”-ийг бүс нутгийн болон үндэсний хэмжээнд хэрэгжүүлэх талаар санал бодлоо солилцлоо.
-
2015 оны 11 сарын 19
Хууль зүй дотоод хэргийн сайд, Эрүүл мэндийн сайдын 2002 оны 12 дугаар сарын 31-ны өдрийн 313/316 дугаар хамтарсан тушаалаар батлагдсан “Ялаас чөлөөлөх өвчний жагсаалт, хүнд өвчтэй ялтанд эмнэлгийн бусад байгууллагын туслалцаа үзүүлэх журам”-ыг Хууль зүйн сайд, Эрүүл мэнд спортын сайдын 2015 оны 10 дугаар сарын 15-ны өдрийн А/234, 415 дугаар хамтарсан тушаалаар хүчингүй болгож Эрүүл мэнд спортын сайдын 2015 оны 10 дугаар сарын 15-ны өдрийн 416 дугаар тушаалаар “Ялаас чөлөөлөх өвчний жагсаалт, хүнд өвчтэй ялтанд эмнэлгийн тусламж үйлчилгээ үзүүлэх журам”-ыг шинэчлэн баталсан байна.
Улсын Ерөнхий прокурорын газрын Ял эдлүүлэх ажиллагаанд хяналт тавих хэлтэс 2015 оны 11 дүгээр сарын 18-ны өдрийн 7/4271 дүгээр албан бичгээр дээрхи журмын хэрэгжилтэнд хяналт тавьж биелэлтийг тооцож ажиллах үүргийг аймаг, нийслэл, тээвэр дүүрэг, сум дундын прокуроруудад өгч журмыг хүргүүлсэн байна.
-
2015 оны 11 сарын 19
Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр дуган сүм сэргээх, равнай өргөх, тойн болох, ном номлох, огторгуйн үүд сахих, их хүмүүнтэй уулзах, буяны үйл, андгай тангаргаас няцах, дайсныг номхруулах үйл, хараал, хариулга, хатуу үйл хийгээд өглөгийн түллэг тэргүүтнээ сайн. Газар хагалах, хурим найр хийх, нохой авах, өвчтөнийг анх гадагш гаргах, байшингийн суурь тавих, дээвэр тавих, нүүдэл хийх, нохой худалдах, худалдан авах, амраг садан бололцох, эвсэж найрамдах үйлд муу. Өвдвөл гурав хоногт үл аниваас ужгирна. Замд гарвал хулгайд өртөгдөх гэмтэй. Баруун чих хангинавал аймшиг болно, зүүн бол жуулчин ирнэ. Өдрийн сайн цаг нь морь, хонь, нохой, гахай, үхэр, луу болой. Үс шинээр үргээлгэх буюу засуулбал нас уртадна.
-
2015 оны 11 сарын 19
2015 оны 11 дүгээр сарын 18-ны 20 цагаас 11 дүгээр сарын 19-ний 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Зарим газраар цас орж, зөөлөн цасан шуурга шуурна. Салхи зүүнээс секундэд 5-10 метр. Өдөртөө нутгийн өмнөд хэсгээр секундэд 12-14 метр хүрч ширүүснэ. Завхан, Баянхонгорын хойд хэсгээр шөнөдөө 25-30 градус, өдөртөө 13-18 градус, Ховд, Говь-Алтай, Баянхонгорын өмнөд хэсгээр шөнөдөө 6-11 градус, өдөртөө 0-5 градус, бусад нутгаар шөнөдөө 15-20 градус, өдөртөө 8-13 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Ихэнх нутгаар цас орж, зөөлөн цасан шуурга шуурна. Салхи зүүн өмнөөс секундэд 6-11 метр. Дархадын хотгороор шөнөдөө 31-36 градус, өдөртөө 19-24 градус, Хэнтэйн уулархаг нутаг, Орхон, Сэлэнгэ, Хараа, Ерөө, Туул, Тэрэлж голын саваар шөнөдөө 26-31 градус, өдөртөө 13-18 градус, бусад нутгаар шөнөдөө 17-22 градус, өдөртөө 10-15 градус хүйтэн байна.
ЗҮҮН АЙМГУУДЫН НУТГААР: Үүлшинэ. Зарим газраар цас орж, зөөлөн цасан шуурга шуурна. Салхи зүүн өмнөөс хойш эргэж секундэд 6-11 метр. Нутгийн хойд хэсгээр шөнөдөө 25-30 градус, өдөртөө 15-20 градус, бусад нутгаар шөнөдөө 21-26 градус, өдөртөө 11-16 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлэрхэг. Бага зэргийн цас орно. Салхи зүүн хойноос секундэд 2-7 метр. Шөнөдөө 20-22 градус хүйтэн, өдөртөө 12-14 градус хүйтэн байна.
ГОВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн зүүн хэсгээр цас орж, зөөлөн цасан шуурга шуурна. Салхи зүүн өмнөөс зарим газраар секундэд 12-14 метр хүрч ширүүснэ. Дундговийн нутгаар шөнөдөө 19-24 градус, өдөртөө 7-12 градус, бусад нутгаар шөнөдөө 12-17 градус, өдөртөө 2-7 градус хүйтэн байна.
УЛААНБААТАР ХОТ: Үүлшинэ. Бага зэргийн цас орно. Салхи зүүн өмнөөс хойш эргэж секундэд 6-11 метр. Шөнөдөө Яармаг-Сонгины орчмоор 26-28 градус, бусад хэсгээр 19-21 градус, өдөртөө 13-15 градус хүйтэн байна.
-
2015 оны 11 сарын 18
Цахимаар газар өмчлүүлэх дөрөвдүгээр ээлж өнгөрөгч наймдугаар сард болсон билээ. Дөрөвдүгээр ээлжид Баянзүрх, Сонгинохайрхан, Хан-Уул дүүргийн нийт 22 байршлын 8727 га газарт 34857 иргэнд газар өмчлүүлсэн. Тэгвэл эдгээр газрыг өмчлөхөөр сонгогдсон ч өдийг хүртэл баталгаажуулж аваагүй байсан иргэдийн бүртгэлийг хүчингүй болгож байгаа юм. Ингээд тус газруудад дахин цахимаар өмчлүүлэхээр болжээ.
Тэгвэл дөрөвдүгээр ээлжийн нэмэлт бүртгэл маргааш 11.00 цагт эхлэх гэж байна. Харин хэдэн иргэнд газар өмчлүүлэх, хэдий хугацаанд цахим бүртгэл явуулах эсэхийг маргааш танилцуулна хэмээн нийслэлийн Өмчийн харилцааны газраас мэдээллээ.
Цахим бүртгэлд оролцох иргэд нийслэлийн Өмчийн харилцааны газрын WWW.UMCH.UB.GOV.MN сайтаар орж бүртгүүлнэ.
-
2015 оны 11 сарын 18
Нийслэлийн мэргэжлийн хяналтын газрын байгаль орчны хяналтын улсын байцаагчид ногоон бүс, томоохон худалдааны төвүүд, авто тээвэр шалган бүртгэх товчоо, хяналтын постуудаар 80 орчим удаагийн хяналт шалгалт хийжээ.
-
2015 оны 11 сарын 18
Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат Азийн хөгжлийн банкны дэд ерөнхийлөгч Дивакар Гуптаг хүлээн авч уулзлаа. Уулзалтаар Улаанбаатар хотод хэрэгжүүлэхээр төлөвлөж буй төлбөрийн чадварт нийцсэн орон сууцны төслийн талаар санал солилцов.
Уулзалтын эхэнд нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат “Улаанбаатар хотын захиргаа Азийн хөгжлийн банктай 2013 оноос эхлэн хэд хэдэн томоохон төслийг хамтран хэрэгжүүлж байна. Бидний ажилд үргэлж тусалж дэмжиж байдаг Та бүхэнд нийслэлчүүдийнхээ нэрийн өмнөөс талархал илэрхийлье. Улаанбаатар хотын стратегийн ач холбогдол бүхий газруудад инженерийн дэд бүтцээр хангасан иргэдийн төлбөрийн чадварт нийцсэн орон сууц, нийтийн үйлчилгээний барилга байгууламж, худалдаа үйлчилгээний төв бүхий эко дүүргийг байгуулахаар энэ сарын 2-нд Сангийн яам, Хотын захиргаа, Азийн хөгжлийн банк хамтран ажиллах санамж бичиг байгуулсан. Уг ажлыг хамтран хэрэгжүүлэх гэж байгаадаа баяртай байна” гэв.
Азийн хөгжлийн банкны дэд ерөнхийлөгч Дивакар Гупта “Та бүхэнтэй хамтран олон төсөл хөтөлбөрийг хэрэгжүүлж байгаадаа баяртай байдаг. Тэр дундаа нийслэлийн иргэдийн төлбөрийн чадварт нийцсэн орон сууцны төсөл нь маш чухал юм. Энэхүү ажил удахгүй үр дүнгээ өгнө гэдэгт найдаж байна. Цаашид ч олон салбарт хамтран ажиллахдаа таатай байх болно” гэдгээ илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 18
Улаанбаатар хотын Замын хөдөлгөөний удирдлагын төв, Замын цагдаагийн газартай хамтран зөрчил илрүүлэгч хяналтын камерын тусламжтайгаар замын хөдөлгөөний дүрэм зөрчсөн жолооч нарт хариуцлага тооцон ажиллаж байна. 2015 оны 11-р сарын 17-ны өдөр 138 зөрчил бүртгэгдсэн байна. Үүнээс улаан гэрлэн дохионы 108 зөрчил бүртгэгдсэн бол хурд хэтрүүлсэн 30 зөрчил бүртгэгджээ. “Замын хөдөлгөөний хяналтын камераар илрүүлсэн зөрчилд хариуцлага тооцох журам”-ыг мөрдөж эхэлснээс хойш гарч болзошгүй зам тээврийн ослоос урьдчилан сэргийлж, замын хөдөлгөөний зөрчил буурч байна. Хальтиргаа гулгаатай замд хурдаа хасч, явган зорчигчоо хүндэтгэж хөдөлгөөнд оролцохыг анхааруулж байна гэж Улаанбаатар хотын Замын хөдөлгөөний удирдлагын төвөөс мэдээллээ.
-
2015 оны 11 сарын 18
Үл хөдлөх эд хөрөнгийн барьцааны тухай хуулийн зарим заалт Үндсэн хууль зөрчсөн эсэх тухай маргааныг Үндсэн хуулийн цэц дунд суудлын өнөөдрийн хуралдаанаараа хянан хэлэлцлээ.
-
2015 оны 11 сарын 18
ХУД-ийн XV хорооны нутаг дэвсгэрт баригдаж буй 600 автомашины нийтийн зогсоолын барилгад энэ сарын 17-ны 04:00 цагийн орчимд осол болсны улмаас 54 настай, эрэгтэй М амиа алдсан тухай манай сайт өмнө нь мэдээлсэн билээ.
Барилгын дотор хогийг цэвэрлэж байхад өргөгч кранд бэхэлсэн хогтой төмөр савны оосор тасарч иргэн М-ийг цохиж гурван давхраас унагаасан байна. Албаныхны ярьснааг уг осол хөдөлмөрийн аюулгүй байдлын дүрэм журмыг ноцтой зөрчсөний улмаас болсон аж.
