“Хөгжил-Ардчилал” ТББ байгууллагаас зохион байгуулдаг “Хөгжил-Ардчилал” хэлэлцүүлгийн анхны зочноор УИХ-ын гишүүн , Хууль зүйн Х.Тэмүүжин, эдийн засагч Б.Дөлгөөн, Голомт банкны ерөнхийлөгч Ө.Ганзориг нар оролцож байсан бол энэ удаагийн хэлэлцүүлэгт “Хөгжил Хүн” клубын гишүүн Д.Гантулга, Монголын Банкны Холбооны Гүйцэтгэх Захирал, Ерөнхий нарийн бичгийн дарга Б.Найдалаа нар оролцлоо. Хэлэлцүүлэгчийн гол сэдэв нь "Үндэсний Хөгжил - Монгол Зорилго" байв.  Бидний өмнө хөгжлийн түүхийн маш том шат тулчихсан байна. Хүн өөрөө сайныг ч бүтээдэг, мууг ч бүтээдэг. Тэгэхээр сайныг бүтээх Монгол хүнийг бид өөрсдөө бүтээх ёстой. 20-р зуунд социалист шинэ Монгол хүнийг цоо шинээр бүтээсэн байдаг. Бид түүний зах зухын бүтээгдэхүүний нэг нь. Тийм болохоор тухайн үед улс хөгжиж чадсан. Одоо бид 21-р зууны Монгол хүнийг бүтээж чадаж байна уу? Үгүй юу гэдэг  олон асуулт гарч ирнэ. Одоогийн нийгэмд иргэн хүнээ бүтээх, хөгжүүлэх үйл явц хоцрогдоод байгаа учраас хөгжил биднээс алсарсаар л байна гэсэн үг. “ Бид Монгол Улс 2050 онд ямар улс болсон байх вэ гэсэн алсын хараагаар 2025 онд одоогийн Турк шиг, 2035 онд одоогийн Чех шиг, 2050 онд одоогийн Швед улс шиг болсон байх ёстой” гэдгийг онцлоод үүндээ тааруулаад хөгжлийн бодлогоо боловсруулаад, хөгжлийн стратегиа сонгоод хэрэгжүүлээд явбал өнгөрсөн 25 жил огт хийж чадаагүй зүйлээ хийж болно. Заавал бид цоо шинэ юм сэдэж олох шаардлагагүй. Институт гэдэг хамгийн чухал зүйл нь юм. Арав ч байна уу, 100 хүн ч байна уу нэгдээд ажиллахад хувь хүнээс хамаарахгүйгээр зарчмаа барьж ажилладаг институтийг бий болгох хэрэгтэй. Тэр институтийг бий болгочихсон цагт бодлогыг хэн ч хийнэ хэн ч хэрэгжүүлж болно” гэдгийг итгэлдээ онцолсон юм.