Жил бүрийн нэгэн өдөр олон олон сониуч, бүтээлч, шинийг санаачлагчид цуглан салбар салбарын манлайлал, төлөөлөл болсон сэтгэгч, бүтээгч нарын илтгэлийг сонсохын зэрэгцээ сонирхолтой хэлэлцүүлгүүд өрнүүлж, санал бодлоо хуваалцдаг билээ. Бүтэн өдрийн турш шинэ санаа, санаачлага сонсож, шинэ танилуудтай болж мэдлэгээ зузаалаад гардаг өдөр бол TEDxUlaanbaatar юм. Тус арга хэмжээг сайн дурын баг хамт олон ашгийн бус зорилгоор, TED байгууллагаас олгосон албан ёсны лицензийн дагуу 2011 оноос хойш жил бүр зохион байгуулж, жилээс жилд үйл ажиллагаагаа төрөлжүүлэн, цар хүрээгээ өргөтгөсөөр байгаа билээ.
2015 онд Монгол улс өөрийн гэсэн хөгжлийн хэв маяг, сорилт бэрхшээлтэй тулгарч хувь заяагаа залуурдах амаргүй замыг туулж байна. Үүний зэрэгцээ “улс төрийн хямрал”, “эдийн засгийн хямрал” гэдэг үгс бидний амьдралд амны уншлага мэт болж нийгмийг цочроосон, олон нийтийн санаа бодлыг үймүүлсэн сөрөг мэдээллүүд ихээр цацагдах боллоо. Тиймээс 06-р сарын 06-нд төрийн тусгай хамгаалалттай Их Тэнгэр цогцолборт "Positive Mind"буюу "Эерэг сэтгэлгээ"-г түгээн дэлгэрүүлэх зорилгоор "TEDx Ulaanbaatar 2015" арга хэмжээ зохион байгуулагдах гэж байна. Үйл ажиллагаа бүхэл өдрийн турш буюу өглөөний 8:00-18:40 цаг хүртэл үргэлжилнэ.
Хэзээ: 2015.06.06
Хаана: Төрийн тусгай хамгаалалттай “Их тэнгэр” цогцолбор
Цаг: 09:00-18:40
Хураамж: 38.900₮ /Өдрийн хоол, цайны завсарлага, нэгдсэн автобус зэрэг бүгд багтсан/
TED нь “Үнэтэй цэнэтэй санаануудыг түгээн дэлгэрүүлэх” зорилготой ашгийн бус байгууллага бөгөөд технологи, энтертайнмент, дизайн, шинжлэх ухаан, хүмүүнлэг, эрүүл мэнд, урлаг зэрэг олон салбарын сэтгэгч, бүтээгчдийг богино хэмжээний илтгэл тавихыг урьдаг. Жил бүрийн хавар Канад улсын Бритиш Колумбиа мужид болдог TED арга хэмжээний илтгэлүүдийг TED.com дээр нээлттэй байршуулдаг байгаа. TED-н нээлттэй бөгөөд үнэ төлбөргүй хөтөлбөрүүд дэлхий даяар мянга мянган сайн дурын орчуулагч нар нэгдэн TED, TEDx илтгэлүүдийг орчуулж буй Нээлттэй Орчуулгын төсөл, боловсролд чиглэсэн санаачлага TED-Ed хөтөлбөр, жил тутмын сая долларын TED Шагнал болон дэлхийн хаана ч бие даан зохион байгуулах боломжтой TEDx зэрэг томоохон хөтөлбөрүүд багтаж байна.
TED өөрсдийн гол зорилго болох “Үнэ цэнэтэй санааг түгээн дэлгэрүүлэх” үзэл санааны хүрээнд орон нутаг, улс орны хэмжээнд сайн дур баг хамт олон TED-тэй төстэй арга хэмжээг бие даан зохион байгуулах боломж олгохоор TEDx хөтөлбөрийг бий болгосон юм. TED-ээс гаргасан журмын дагуу сайн дурын хувь хүмүүс нэгдэн, TEDx үйл ажиллагаануудыг бие даан зохиоон байгуулдаг.
Дэлгэрэнгүй мэдээллийг: www.TEDxUlaanbaatar.com
www.facebook.com/TEDxUlaanbaatar
https://twitter.com/tedxulaanbaatar
Холбогдох утасны дугаар: (976)-99936124, (976)-89805911
