Цагдаагийн алба хаагч иргэн буудсан гэх асуудлаар ЧД-ийн Цагдаагийн газрын дарга Т.Баатараас тодруулж байна. 

Тэрбээр "Зөрчил гаргасан иргэнийг үйлдлээ зогсоохыг цагдаагийн албан хаагч хүссэн ч зогсоогоогүй. Иймд нэмэлт эргүүл дуудсан. Нэмэлт эргүүл ирэхэд цагдаагийн алба хаагчдын биед халдсан. Таван удаа анхааруулж, шаардлага тавьсан боловч тухайн иргэн үйлдлээ зогсоогоогүй учраас резинэн сумтай бууг нэг удаа хэрэглэсэн. Тухайн иргэний гуя хэсэгт резинэн сумтай буугаар оносон. Иймд эмнэлгийн анхны тусламж 103 дуудаж үзүүлсэн. Түүнийг цагдаагийн албан хаагчийн биед халдаж, хүч хэрэглэн эсэргүүцсэн гэсэн зүйл ангиар шалгагдана" гэв.