ЭМС-ын 2014 оны 139 тоот тушаалын дагуу ЭХЭМҮТ-ийн Тандалт судалгааны алба Монгол улс дах эх, хүүхдийн өвчлөл, эндэгдлийн тохиолдол бүрийг нягтлан судалж, дүн шинжилгээ хийсэн судалгааны үр дүнг эрүүл мэндийн салбарын эмч мэргэжилтэн, олон улсын байгууллага, судалгаа шинжилгээний байгууллагы н судлаач, бодлого боловсруулагчдад танилцуулан, тэднийг хэрэгцээт мэдээллээр хангах зорилгоор уулзалт зохион байгууллаа.
Уулзалтанд ЭМСЯ-ны эмнэлгийн тусламжийн хэлтсийн дарга Л.Зэндмаа, хүүхэд, өсвөр үеийн эрүүл мэндийн тусламж үйлчилгээний бодлого зохицуулалт хариуцсан мэргэжилтэн С.Гантуяа, ЭМХТ-ийн судалгаа, төлөвлөлт, статистик мэдээллийн албаны дарга Ч.Зулцэцэг, НЭМГ-ын эх барих, нярайн тусламж үйлчилгээ хариуцсан мэргэжилтэн Р.Октябрь, ЭХЭМҮТ-ийн удирдлагууд, эмч, судлаачид, НҮБ-ын ХАС-ийн мэргэжилтэн А.Илиза, Ө.Эрдэнэчимэг, Зайн оношилгооны төслийн зохицуулагч Б.Цэдмаа, НҮБ-ын Хүүхдийн сангийн үнэлгээний мэргэжилтэн Д.Хүрэлмаа, Нийслэлийн амаржих газрын дарга нар, АШУҮИС, ҮСХ-ны төлөөлөл бүхий 50 гаруй хүн оролцлоо.
Монгол Улс дахь эхийн эндэгдэл, ноцтой хүндрэл, амьгүй төрөлт, нярайн эндэгдэл, төрөлхийн хөгжлийн гажгийн тохиолдол бүрийг нягтлан судалж, судалгааны үр дүнгийн эмхэтгэлийг холбогдох байгууллагуудад хүргэн, бодлого боловсруулагч, шийдвэр гаргагч нарыг хэрэгцээт мэдээллээр хангаснаар нотолгоонд тулгуурласан, зөв шийдвэр гарах нөхцөл бүрдэх юм.
Уулзалтанд оролцогсод Монгол Улс “Хүүхдийн эсэн мэнд амьдрахуй”, “Эх, нярайн эрүүл мэнд стратеги", Мянганы хөгжлийн зорилт (МХЗ)-ын хэрэгжилтийг дүгнэж, цаашид МХЗ-ын дараах тогтвортой хөгжлийн бодлогыг тодорхойлж хэрэгжүүлэх, мөн түүнчлэн эрүүл мэндийн салбарыг 2016-2020 онд хөгжүүлэх үндсэн чиглэлийг тодорхойлоход эх, хүүхдийн эрүүл мэндийн нөхцөл байдлын талаарх нотолгоонд суурилсан мэдээлэл туйлын чухал болохыг онцлон тэмдэглэж байлаа хэмээн ЭМЯ-аас мэдээллээ.
