Өнгөрсөн долоо хоногт Малайзад монгол эмэгтэй халдлагад өртөж, цээжиндээ олон удаа буудуулан хүнд шахадсан хэрэг гарсан. Энэ хэргийн талаар Малайзын Цагдаагийн газраас дахин мэдээлэл ирлээ.

Хэрэг явдал болсон Петалинг Жаяа дүүргийн Цагдаагийн газрын дарга Азми Абу Кассимын мэдээлснээр 26 настай н.Номин-Эрдэнийн бие тааруухан байгаа аж. Тэрээр одоо Малая их сургуулийн Эрүүл мэндийн төвд хэвтэн эмчлүүлж байгаа юм. Эмч нарын хэлснээр н.Номин-Эрдэнэ хагас ухаантай байна.

Хохирогч н.Номин-Эрдэнэ Малая их сургуулийн Эрүүл мэндийн төвд мэс засалд орсон бөгөөд хагас ухаантай байна.

Эмэгтэйг буудсан хэрэгт 8 этгээдийг сэжиглэн баривчилжээ. Цагдаагийн газар халдлагын цаад учир юу байв гэдгийг тогтоохоор ажиллаж байгаа гэлээ. н.Номин-Эрдэнэтэй хамт явсан 35 настай Датук гэгчээс өшөө авах зорилгоор халдсан хэмээн мэдээлж байсан юм. Гэвч сэжиглэгдэн баривчлагдсан хүмүүс өөр мэдээлэл өгч байгаа тул нарийвчлан шалгаж байна гэлээ.

Энэ сарын 15-ны өдөр н.Номин-Эрдэнэ, Датук нар Toyota Land Cruiser машин дотор байхад нь хоёр халдагч этгээд мотоцикль дээрээс гал нээснээр эмэгтэйн цээжинд 4 удаа оносон юм. Харин Датук гэгч бизнесмэн залуу шархдаагүй бөгөөд түүнийг өмнө нь гэмт хэрэгт холбогдож байсныг тогтоогоод байгаа юм.

Г.Үжин