Монгол Улс БНХАУ-ын ӨМӨЗО-ны Хөлөнбуйрт Консулын газраа нээлээ хэмээн "Сяньхуа" агентлаг мэдээлжээ. Шинэ Консулын газрыг өнгөрсөн пүрэв гарагт нээсэн байна.

Манай улс Хөх хот болон Эрээн хотод Консулын газартай бөгөөд Хөлөнбуйрынх нь Хятадын зүүн муж дахь анхны дипломат төлөөлөгчийн газар болж байгаа аж.

Хөлөнбуйр хотын дэд дарга Ниу Женшень хэлэхдээ “Хөлөнбуйр нь зүүн хойд мужуудыг Хятадын хойд хэсэгтэй холбодог эдийн засгийн чухал суваг юм. Тиймээс Консулын газар нь зөвхөн Хөлөнбуйрын эдийн засагт нөлөөлөөд зогсохгүй бүсийн хамтын ажиллагааг сайжруулахад нөлөөлнө” хэмээн ярьжээ.

Хөлөнбуйр нь Монгол Улстай 682 км хиллэдэг байна.

Г.Үжин