Өнөөдөр Сонгино хайрхан дүүрэг, Драгон төвийн ард баригдаж байгаа барилгын хажуу талын зам цөмөрч, буудай тээвэрлэн явсан ачааны машин унаж, осолджээ. Уг хэргийг Сонгино хайрхан дүүргийн цагдаагийн хэлтэст шалгаж байна. Урьдчилсан мэдээгээр осолдсон машины жолоочийн бие хүнд бэртээгүй бөгөөд эмнэлэгт үзүүлэхээр явжээ.

Тус газарт 135 айлын барилга барих ажил тавдугаар сард эхэлсэн байна. Гэвч хөрсний нуралт үүсчээ. Тиймээс тухайн хэсгээр том оврын автомашин явахыг хориглосон байжээ. Гэвч “Жем Интернэшнл” компанийн жолооч Камаз маркийн автомашинтайгаа дур мэдэн тус замаар зорчиж байхдаа осолджээ.

24tsag.mn