Монгол Улсын иргэн Ш овогтой О болон Н овогтой Ц хэмээх хоёр залуу 2015.08.04-ний 08:28 цагт БНСУ-ын Канвон мужийн Чүнчон хотын У-воль тосгоны У-воль гүүрний доор цагийн ажил хийж байгаад усанд унаж осолдсон харамсалтай хэрэг гарсан. Талийгаач Ш.О, Н.Ц нар нь БНСУ-д жуулчны 3 сарын визээр ирж, цагийн ажил хийж байгаад осолдсон юм.

Гадаад хэргийн яам талийгаачдын ар гэрийнхэнд мэдэгдэж, БНСУ- руу явахад тусламж дэмжлэг үзүүлэн ажиллаж байгаа бөгөөд өнгөрөгч долоо хоногт Ш.О гийн ар гэрийнхэн БНСУ руу явсан юм. Харин Н.Ц гийн ар гэрийнхэнтэй холбогдож чадаагүй байгаа аж. Юутай ч талийгаачдын цогцосын энэ долоо хоногтоо багтаж эх оронд нь авчрах юм байна.

Д.Дуулим