ЗГХЭГ-ын дэд дарга, “Эрдэнэс-Тавантолгой” компанийн ТУЗ-ийн дарга асан Г.Дэнзэнгийн хоригдох хугацаа энэ сарын 4-нд буюу өнгөрсөн мягмар гаригт дууссан. Гэвч мөрдөн байцаалтын явцад саад учруулж болзошгүй гэж үзэн хоригдох хугацааг нь дахин тодорхойгүй хугацаагаар сунгасны дараахан буюу өнгөрсөн баасан гаригаас эхлэн тэрээр өлсгөлөн зарласан. Тэгвэл өчигдөр буюу өлсгөлөн зарлаад гурав дахь хоног дээрээ Г.Дэнзэн хорих ангидаа ухаан алдаж унажээ. Түүний сэтгэл санаа тавгүй байгаа учраас өлсгөлөн зарлавал амь насанд нь аюултай хэмээн ШШГЕГ-ын харъяа 461 дүгээр ангийн эмч нар анхааруулж байсан гэдэг.

Биеийнх нь байдал хүндэрч, хорих ангидаа эмчлүүлж байгаа гэдгийг түүний өмгөөлөгч Ц.Дэлгэрням дуулгасан юм. Түүнийг АТГ- аас албан тушаалаа урвуулан ашиглан улсад онц их хэмжээний хохирол учруулсан үндэслэлээр шалгаж байгаа билээ.