Дархан-Уул аймгийн ИТХ-ын дарга Ч.Цэндсүрэнг Улсын дээд шүүхийн шийдвэрийг биелүүлэхгүй, хууль зөрчиж байна хэмээн Д.Амарсанаа тэргүүтэй иргэд өчигдөр мэдээлэл хийсэн. Тэд Ч.Цэндсүрэнг Улсын дээд шүүхийн Хяналтын шатны Захиргааны хэргийн шүүхээс энэ оны гуравдугаар сарын 9-нд гаргасан шийдвэрийн дагуу Дархан-Уул аймшйн ИТХ-ын төлөөлөгчийн нөхөн сонгуулийн товыг зарлахыг шаардсан юм. Тэр болтол улс төрийн хугадаагүй өлсгөлөн зарлана гэдгээ мэдэгдсэн.

Д.Амарсанаа “Манай аймгийн УП, ХШ, “Өргөө” багийн иргэдийг төтөөлж тэдний өмнөөс үг хэлэх хүнгүй болж, олон иргэний эрх ашиг зөрчигдөж байна. Гэтэл Ч.Цэндсүрэн амарсан гээд утсаа ч авахгүй алга болсон. Тэр байтугай улсын машиныг унаад хөдөөгүүр зугаалж яваа сурагтай” гэв.

Мэдэгдэлд “Үүссэн нөхцөл байдлыг Ч.Цэндсүрэн та үл тоомсорлон, хууль цааз, төрийн байгууллага, засаглалын энэ олон тогтолцооноос гаргасан шийдвэрт хүндэтгэлгүй хандаж буй нь иргэн миний эгдүүцэл, бухимдлыг төрүүлж байгаа тул Монгол Улсын Үвдсэн хуульд заасан эрх чөлөө, тэгш эрх, шударга ёсны эрхээ эддэхийн тулд арга буюу хугацаагүй өлсгөлөн зарлахад хүрлээ” гэжээ.

Дархан-Уул аймгийн ИТХ-ын дарга Ч.Цэндсүрэн энэ талаар “Одоо бол би ажил дээрээ, ямар ч мэдээлэлгүй сууж байна. Надад албан ёсоор хэлж танилцуулсан зүйл байхгүй. Миний хувьд Дээд шүүхэд холбогдох материалаа өгчихөөд хүлээж байгаа. Д.Амарсанаа үнэхээр өлсгөлөн зарлах гэж байгаа бол удахгүй надтай уулзах байлгүй дээ” гэлээ.