ХҮН нам Барилга инженер-технологийн мэргэжилтнүүдийн холбоотой хамтран ажиллахаар болж, санамж бичигт гарын үсэг зурлаа. Уг санамж бичгийг байгуулснаар Улаанбаатар хотын хэт төвлөрлийг бууруулж, хотын замын урсгалын хурдыг нэмэгдүүлэхэд хамтран ажиллах юм. Хамтын ажиллагааны хүрээнд ХҮН намын мөрийн хөтөлбөрт салбарын мэргэжилтнүүдийн мэдлэг, туршлага саналыг тусгахаас гадна, санал нэгдсэн тодорхой шийдэл гаргах чиглэлээр талууд ажиллахаар болов. Тодорхой судлагаатай, амьдралд хэрэгжүүлж болохуйц шийдэл боловсруулсан ТББ-уудтай хамтран ажиллахаа ХҮН намынхан анхаасаа мэдэгдэж байсан нь ийнхүү ажил хэрэг болж эхэлж байна.