“Алдар” спорт хорооны тамирчин, чөлөөт бөхийн дэлхийн аварга, МУГТ С.Цэрэнчимэдэд байр өгсөн ч буцааж авч байна гэх мэдээлэл сүүлийн үед гараад байгаа. Түүнчлэн байрны түлхүүр солигдсон гэж буй. 

Тэгвэл байрны түлхүүрүүд солигдоогүй аж. Харин Батлан хамгаалахын дэд сайд А.Баттөр гэх нөхөр С.Цэрэнчимэдийн хоёр өрөө байрыг өөр хүнд өгөх тушаалыг гаргаж асуудлыг будлиантуулж орхисон байна. Тодруулбал, Тэрбээр сайдын тушаал гарсан байхад хавсралтаар нь тушаалд өөрчлөлт оруулан С.Цэрэнчимэдийн байрыг хурандаа Батбаяр гэх хүнд олгожээ.

Харин уг хэрэгтэй холбоотой яриа олон нийтийн дунд гарч эхлэнгүүт С.Цэрэнчимэдэд нэг өрөө байр өгөхөөр болсон байна.  

Тэгвэл  уг байранд орсон хурандаа Батбаяр нь Батлан хамгаалах яаманд 10 гаруй жил ажилласан бөгөөд уг байранд орохдоо өөрийн гэсэн орон байргүй хэмээн  мэдүүлсээр  орсон байна.  Гэвч үнэн хэрэгтээ н.Батбаяр хурандаа нь  өөрийн нэр III, IV хороолол, сансар, гордокт тус тус байртай нэгэн ажээ.   Тэгтэл  ийнхүү  бусадтай зэрэгцэн, увайгүй авирласан нь  олон хүний эгдүүцлийг хүргэж байгаа ч Батлан хамгаалах салбарынхан энэ талаар ямар нэгэн мэдээллийг өгөхгүй байгаа юм.

Т.Сар