Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарыг “Нүүрс” хөтөлбөрөөс их хэмжээний мөнгө завшиж улсад онц ноцтой хохирол учруулсан хэмээн буруутгаж байгаа. Л.Гансүх нарт холбогдох шүүх хурал Баянзүрх, Сүхбаатар, Чингэлтэй дүүргийн шүүхэд болж байна.

Гурав дахь өдрөө үргэлжилж буй шүүх хуралд гэрчүүд мэдүүлэг өгч байна. “Эм Жи Эл Эс Би Ди” компанид аудит хийж дүгнэлт гаргасан Үндэсний аудитын газрын аудитор н.Ичинхорлоогийн мэдүүлгийг хүргэе.

Ц.Баасандорж өмгөөлөгч асуув.

-Та ямар ажил эрхэлдэг вэ?

-Тухайн үед Үндэсний аудитын газарт ажиллаж байсан.

-Хэний хүсэлтээр та аудитын шалгалт хийсэн бэ?

-Ерөнхий аудитын шийдвэрээр хийсэн. Би өөрийнхөө хүсэлтээр хийдэг эрх мэдэлтэй хүн биш.

-АТГ-аас таныг хийгээд өг гэж бичиг явуулсан байна лээ?

-Манай байгууллагад 2012 оны 5 сард АТГ-аас аудит хийх албан тоот явуулсан.

-Үндэсний аудитын газрын менежер хүнд 2 компанийн гэрээг хүчин төгөлдөр бус гэж тооцох эрх байдаг юм уу?

-Бид ийм дүгнэлт хийгээгүй.

/Гэрээг хүчин төгөлдөр бус байсан гэж дүгнэлт гаргасан н.Ичинхорлоогийн дүгнэлтийг өмгөөлөгч Ц.Баасандорж хавтаст хэргээс уншиж танилцуулав/

-Танд ийм эрх байгаа юу?

-Бид гэрээг дүгнээгүй.

-Дахин асууя. Танд байгаа тийм эрх байгаа юу?

-Байгаа.

-Ямар хуулийн заалт байна вэ?

-Би хүчин төгөлдөр бус гэж дүгнээгүйгээ хэлсэн.

/Өмгөөлөгч Ц.Баасандорж н.Ичинхорлоогийн хүчин төгөлдөр бус гэж гаргасан дүгнэлтийг дахин уншиж танилцууллаа/

-Танд хүчин төгөлдөр бус гэж тооцох эрх байгаа юу?

-Эрх зүйн үндэс байхгүй.

-Дахин асууя?

-Хуулиар тогтоосон ойлголт байдаггүй.

-Худалдан, худалдан авах гэрээний аль заалт зөрчигдсөн юм бэ?

-3 дугаар зүйлийн 3.4.

-Гэрээний үнэ хэд вэ?

-Гэрээний үнэ 27500 төгрөг. “Багануур” ХХК-ийн төлөөлөн удирдах зөвлөлийн хурлаар 39000 төгрөг болж өөрчлөгдсөн.

-Аудит хийсэн байгууллагадаа тайлангаа гаргаж өгсөн юм уу?

-Бид тайлангаа АТГ-т хүргүүлсэн. АТГ бидэнд аудит хийх хүсэлт хүргүүлсэн учир манай үйлчлүүлэгч.

-Та аудит хийсэн байгууллагуудаа аудит хийх гэж байгаагаа танилцуулсан уу?

-“Эм Жи Эл Эс Би Ди” компанийн тооцооны нягтлан Болортуяа, нэг залуу 2-той хамтарч ажилласан.

-Үндэсний аудитын газрын аудит хүнд гэрээг хүчин төгөлдөр гэж үзэх эрх байгаа юу? товчхон хариулна уу?

Тийм.

-Ямар хуулин дээр ийм зүйл заалт байна аа?

/Шүүгч өмгөөлөгчийн асуултанд зөв хариулахыг шаардав. Өмгөөлөгч дүгнэлтийг дахин уншив./

-Энэ таны бичсэн өгүүлбэр мөн үү?

Мөн. Би ийм хууль байдаг эсэхийг тооцоогүй. Аудитын ёс зүйн олон улсын стандартын дагуу л хийсэн.

-Эрүүгийн хуулинд гэрч худал мэдүүлэг өгвөл хариуцлага хүлээнэ гэдгийг мэдэж байгаа биз дээ? Хурал эхлэхийн өмнө сануулсан хэмээн өмгөөлөгч хэллээ.

Б.Батчимэг