Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарыг “Нүүрс” хөтөлбөрөөс их хэмжээний мөнгө завшиж улсад онц ноцтой хохирол учруулсан хэмээн буруутгаж байгаа. Л.Гансүх нарт холбогдох шүүх хурал Баянзүрх, Сүхбаатар, Чингэлтэй дүүргийн шүүхэд болж байна.

Гурав дахь өдрөө үргэлжилж буй шүүх хуралд гэрчүүд мэдүүлэг өгч байна. “Эм Жи Эл Эс Би Ди” компанид аудит хийж дүгнэлт гаргасан Үндэсний аудитын газрын аудитор н.Ичинхорлоогийн мэдүүлгийн 3 дахь хэсгийг хүргэе.

Шүүгчид асуув.

Шуурхай: Шүүгчид “Гэм бурууг аудитор та биш шүүх л гаргах ёстой”

-Ялгааг хэлэв.  

-Төрийн аудитын тухай хуулийн 4-р зүйлийг 1 дэх хэсэг байгаа. Тэрийг хараадахдаа.

-н.Ичинхорлоо хуулийн заалтыг уншив.

-Таны аудит хийсэн компани нь улс болон орон нутгийн оролцоотой хуулийн этгээд мөн үү?

-Мөн.

-Та бол энэ хуулийн хүрээнд Багануур ХК-д л аудитын дүгнэлт хийх ёстой байгаа биз дээ?

-Тиймээ.

-Багануур дээр алдагдал гарлаа гэнгүүт Аудитын тухай хуулиар энэ компани дээр л дүгнэлт гаргуулах ёстой байсан. Хууль тус тусдаа гаргаад байгаа зорилго нь л энэ шүү дээ.

-Тийм.

-Таны яриад байгаа хуулийн хамрах хүрээ чинь орон нутагт яригдаж байна. Та нар хуулинд заасан заалтаа барих ёстой. Багануур хувьцаат компани алдагдал  хүлээж. Энэ нь аж ахуй нэгжтэй холбогдож. Тэгэнгүүт та нар яагаад хүлээж байгааг хэлэх ёстой. Та зөв нь бол хувийн компанийн санхүүгийн тайланд гүйж орох эрхгүй байжээ. Хуулийнхаа хүрээнд ийм байна гэж хэлмээр байна.

-Үүнийг хариулж мэдэхгүй байна. Энийг удирдлага мэдэх учраас бие дааж хариулж чадахгүй.

-Дүгнэлт аудитын нэг хэсэг нь гэж байна. Таны дүгнэлтэд зөв, буруу гээд дүгнээд байна. Гэтэл гэм бурууг зөвхөн шүүх эдлэх ёстой. Та биш шүүх л гэм бурууг тогтооно гэснээр шүүх хурал завсарлалаа.

Аудитор н.Ичинхорлоогийн дүгнэлтийг шүүгчид ингэж дүгнэлээ. "Захиалгаар" хүн гүтгэсэн дүгнэлт хийсэн асуудлаар эрүүгийн хэрэг үүсгэх магадлал өндөр байна.

Шүүх хурал 15.30 цагт үргэлжилнэ. Завсарлагааны дараа Н.Алтанхуяг гэрчийн мэдүүлэг өгнө.

Б.Батчимэг