Баасандорж өмгөөлөгч шинжээч н.Цацралаас асуулт асууж байна.

-Асуулт: Гэрээний 3.6 дугаар заалтад худалдан авагч тал воганаас буусан нүүрсийг шуудайлсаны дараах нүүрсний жингээр тооцоо хийнэ хэмээн заасан байна. Гэтэл та яагаад “Багануур” ХК-аас авсан нүүрснээс тооцоо хийх ёстой гээд байгаа юм бэ?

-Хариулт: Энд ямар ч баримт байхгүй. Би анхан шатны баримтан дээр тулгуурлан энэхүү дүгнэлтийг гаргасан.

-Асуулт: Тэгэхээр гэрээ баримт биш үү.

-Хариулт: хариулсангүй.

Асуулт: Гэрээнд заасны дагуу төлбөрөө төлсөн үү?

-Хариулт: Жингийн зөрүүгээ тооцохгүйгээр шуудайлсан нүүрсний жингээр төлбөрөө төлсөн байсан.

-Асуулт: Нүүрсний хорогдлыг хэн төлөх тухай заалт байгаа юу?

-Хариулт: Гэрээнд заасан байсан.

Асуулт: Аль заалтан дээр ингэж байгаа юм бэ хэмээн гэрээг уншиж өгөв.  

Хариулт: Би асуултаа ойлгоогүй байсан байна. 3.6 дээр л тийм зүйл байсан биз дээ. Энэ заалтад хорогдлыг оруулах ёстой байсан юм. Хорогдлыг тоолно гэсэн заалт байхгүй.

-Асуулт: Хорогдлыг тооцох заалт байхгүй байхад та яагаад жингийн зөрүү гэж мөнгө нэхээд байгаа юм бэ. Хоёр талууд харилцан тохиролцоогүй зүйлийг та яагаад худалдан авагч тал төлөх ёстой гэсэн дүгнэлт гаргаад байгаа юм бэ?

-Хариулт: Хариулсангүй.

-Асуулт: Хоёр хуулийн этгээд гэрээндээ тоо хэмжээгээ хэрхэн тооцох талаар гэрээ хийсэн байна. Гэтэл мэргэшсэн нягтлан бодогч нар хоёр хуулийн этгээдийн гэрээнд байхгүй заалтаар нэг талд нь дүгнэлт гаргах эрх ямар нэгэн хууль байгаа юу? Шинжээч өөрийн мэдлэгийн хүрээнд дүн шинжилгээ хийж, түүнийг хариуцна гэсэн хуулийг заалтыг уншиж өгөв.

-Хариулт: Нягтлан бодох бүртгэлийн тухай хуулийн 7-гийн 7-д зааснаар, анхан шатны баримт дээр тулгуурлаж дүгнэлтээ гаргасан.

Асуулт: Энэ хуулийн заалтад чинь хоёр компанийн хоорондын харилцааг зохицуулах нэг ч үг өгүүлбэр гарсангүй шүү дээ. Миний асуулт тодорхой байхад хариултыг тодорхой хариулахгүй байна.  

-Хариулт:Заалт байхгүй.

-Асуулт: Хоёр хуулийн этгээдийн хооронд байгуулсан гэрээг зохицуулах заалт байдаггүй юм байна. Тэгэхээр та хуулиа зөрчсөн гэсэн үг үү?

-Хариулт: Хариулсангүй.

-Асуулт: АТГ-аас баримт авсан уу?

-Хариулт: Үгүй.

-Асуулт: Анхан шатны баримтаа хаанаас авсан юм.

-Хариулт: Компаниас баримт өгсөн.

-Асуулт: Таныг АТГ-аас баримт хүлээж авсан баримт хавтаст хэрэгт байгаа. Та яагаад худлаа мэдүүлээд байгаа юм. Хавтаст хэрэгт хавсаргасан баримтыг уншиж таницуулав.

-Хариулт: АТГ-аас өгсөн байж магадгүй. Гэхдээ яг хүлээлгэж өгсөн нь нягтлан бодогч. Ер нь бол АТГ-аас тэр нягтлан бодогчоор дамжуулж өгсөн байх. АТГ-ын мөрдөн байцаагч Золжаргалаас анхан шатны баримтаа хүлээж авсан.  

Үргэлжилж байна.