Шинжээч нараас н.Шаравнямбуу өмгөөлөгч асуулт асууж байна.

-Та бүхэн өмнө нь эдийн засгийн дүн шинжилгээ хийж байсан уу?

-Шинжээч нар бүгд хийж байгаагүй гэж хариулав.

-Та бүхэн шинжилгээний дүгнэлтээ гаргахдаа Шүүх шинжилгээний тухай хуулиа баримталсан уу?

-Баримталсан.

-Та бүхэн анхан шатны баримтуудыг шалгасан уу?

-Шалгасан.

-Тэгвэл хуульд баримтын шалгалт хийж болохгүй гэж заасан байна хэмээн хууль уншиж өгөв.

-Эдийн засгийн шинжилгээг зөвхөн анхан шатны баримтанд тулгуурлаж л шалгалт хийсэн.

-Аудитын дүгнэлт дээр шалгаж дүгнэлт хийсэн юм уу?

-Аудитын дүгнэлтийг шалгах эрх байхгүй.

-Мөрдөн байцаагч асуулт асуухдаа хууль сануулсан уу?

-Сануулсан.

-Та бүхний дүгнэлт мөрдөн байцаагчийн асуултын дагуу дүгнэлт гаргах хуулийн заалтыг уншиж танилцуулав. Гэтэл та бүхэн асуултаас халиад нэгтгэж дүгнэсэн байна шүү дээ. Үүнийг юү гэж ойлгох юм бэ?

-Бид нэгтгэж дүгнэлт гаргасан.

-Тэгвэл та бүхэн нэгтгэж дүгнэх ёсгүй байтал нэгтгээд дүгнэж, хуулиа зөрччихсөн юм биш шүү дээ?

-Хариулсангүй

-Татварын акт гаргах эрх та бүхэнд байгаа юу?

-Байхгүй.

-Тэгвэл та бүхний дүгнэлт дээр татварын торгууль алданги гэдэг зүйл байгаа. Үүнийг тайлбарлана уу. Татварын тухай хууль уншиж өгөв?

-Шинжээч нар өөрсдийн дүгнэлтийг үгүйсгэж бид татварын акт торгууль тавиагүй зөвхөн дүгнэлтэндээ л дурдсан гэж мэлзэв.

Шинжээч нараас асуулт асууж, мэдүүлэг авах үйл явц үргэлжилж байна.