н.Шаравнямбуу өмгөөлөгч шинжээч нараас нэлээд хэдэн суулт асуусан ч цөөн хэдэн асуултад хариулт авав.

-Мөрдөн байцаагч та бүхэнд шинжилгээ хийх асуулга өгсөн атал та бүхэн яагаад эрх мэдлээ хэтэрүүлж, асуулгад байхгүй зүйлээр шинжилгээ хийсэн байна шүү дээ?

-Хариулсангүй.

-Мөрдөн байцаагч та бүхэнд хэдэн хайрцаг баримт өгсөн юм бэ?

-Бид мэдэхгүй байна.

Хавтаст хэрэгт байгаа байх гэснээр хавтаст хэрэгт өгсөн баримтыг үзэв.

н.Шаравнямбуу өмгөөлөгч “Би энэ хавтаст хэрэгт байхгүй байгаа болохоор л энэ зүйлийг тодруулаад байгаа юм”. Гэхэд шинжээч нар өөрсдийн баримтыг үзүүлэв. Гэвч энэхүү баримтанд нэгдүгээр хуудсанд хоёрдугаар хуудсанд л гэхээс өөр зүйл байсангүй учир н.Шаравнямбуу өмгөөлөгч энэ нь үнэхээр албан бичгийн шаардлага хангахгүй байна шүү дээ гээд шүүгч нарт үзүүлэхийг хүсэж, шүүгч нар үзэж танилцав. Уг нь АТГ шүүгдэгч нараас 10 гаруй хайрцаг анхан шатны баримт хурааж авсан хэмээгдэж байгаа ч шинжээч нарт 53 хуудас материал өгсөн гэдгийг хавтаст хэрэгт тусгасан байна.

-Та бүхний дүгнэлтэд жишиг үнээр тогтоосон хэмээсэн байсан. Тэгэхээр та бүхэн жишиг үнэ гэдгийг тайлбарлаж өгөөч?

-Хариулсангүй.

Шинжээч нараас асуулт асууж, мэдүүлэг авах үйл явц үргэлжилж байна. Ц.Баасанхүү өмгөөлөгч асуулт асууж байна.