Улсын ялллагч нарын буруутгаж байгаа үндэслэлүүд нь ченж нарын мэдүүлэгт тулгуурлаж байгаа нь үнэхээр харамсалтай. Ченж нарын мэдүүлсэн нүүрсний үнэ бол шигшиж ангилаагүй нүүрс. Багануурын нүүрсний үнэ зах зээлд үнэтэй худалдаалагдаж байсан бол энэ хөтөлбөр амжилттай хэрэгжихгүй байсан. 

Сайханбилэг, Оюун нарын мэдүүлсэн мэдүүлэгт хэрэг хийсэн нь тогтоогдлоо гэж улсын яллагч яллаж байгаа нь буруу. Эдгээр хүмүүс зөвхөн нүүрс нэртэй хөтөлбөр байгаагүйг л хэлсэн байсан. Нүүрс хөтөлбөр гэсэн бичиг цаасан дээр буулгаагүйгээс л энэ хүмүүс яллагдах гэж байна. Гэхдээ энэ шүүх хурал нээлттэй явагдаж байгаа нь бүхнийг ил болгож байна. Л.Гансүх гуай ч өөрөө энэ хэргийн талаар ард түмэн мэдэж авбал би ял авах нь хамаагүй хэмээн мэдэгдэж байсан.

Нойтон нүүрс гадаа гараад хатаж жин нь хөнгөрч байгаа. Тэрний хохирлыг энэ хүмүүс үүрч ял сонсох гэж байна. Багануурын нүүрснээс чулуу гарч жин нь хөнгөрч байна. Багануурын нүүрснээс хүмүүс хулгай хийж жин нь хөнгөрч байна. Тэр хохирлыг энэ хүмүүс төлөх ёстой юм уу. Нунтаг нүүрсийг охин компани нь зарсан. Багануурын захирал нь "Манайх хохироогүй" гэдгээ хэлээд байхад энэ хэргийг зохиомолоор гаргаж ирээд байгаа нь илт байна. Тэр “хохирол” гээд байгаа зүйлийг энэ хүмүүс төлөх ёстой юм уу. Та нар энэ асуудлаар л яллах гэж байна. Би та нарын өмнөөс ичиж байна, прокуроруудаа.