Л.Гансүх гэмт хэрэг хийгээгүй гэдэг нь шүүх хурлын үеэр нотлогдлоо. Энэ гурван хүн яаж ч хуйвалдаад үнийн зөрүү, жингийн зөрүүг үүсгэх боломжгүй. Эдгээр хүмүүсийг хамаарал бүхий хүмүүс хэмээн яллаж байгаа ч хуульд энэ талаар буруутгах нэг ч үг байхгүй. Та мэдээ авч байгаа биз дээ. Үнийн зөрүү нь зохиомол зүйл. Гэрч нь өөрөө ирээд “Шахалтаар хэлсэн. Шахсан хүнээ хэлмээргүй байна” гэж хэлсэн. Үүнээс илүү яах юм бэ?, энэ хүмүүс чинь. Яагаад өнөөдөр прокурорууд 10-аад хайрцаг юмыг цаанаа нуучихаад авч ирэхгүй байгаад байгаа юм. Яагаад проурорууд өнөөдөр Монгол Улсын иргэнийг яллаад зогсож байгаа юм. Энд хүний хэргийг илрүүлэх гэсэн зүйл байхгүй. Улс төрийн зорилгоор Л.Гансүх гэдэг хүнийг л яллах гэж байгаа. Тэрнийх нь хоморгонд энэ хоёр сайхан залууг хохироож байна. Нийгмийн сэтгүүл зүйг эргүүлдэг, тэгж байгаад хэлмэгдүүлдэг зүйл л яваад байна.

Авлигалтай тэмцэнэ гэдэг асуудлаар нийгмийн сэтгэл зүй дээр тоглолт явагдаж байна. Ийм учраас замдаа таарсан болгоныг арчаад явж болно гэсэн юм л явж байна. Ийм байдлаар бид авлигатай тэмцэхгүй ээ. Хичнээн хүний амь нас, эрүүл мэндээр тоглож байна.

Яагаад манай прокурорын байгууллага үүнд дүгнэлт хийхгүй байгаа юм бэ. Жингийн зөрүүний асуудал. Ийм асуудал нүүрс хөтөлбөр эхлэхээс өмнө ч байсан, одоо ч байгаа. Энэ бодитой юм. Үүнийхээ шалтгааныг олоогүй байж хаа хамаагүй гурван хүнийг энд суулгаад шүүж байна. Яаж энэ гурван хүн хуйвалдаж жингийн зөрүү гаргах юм бэ. Харин жингийн зөрүү, нүүрсний хорогдлын зөрүү ярих гэж байгаа бол Багануур ХК-тай ярих ёстой.

Энэ хөтөлбөрөөс ард иргэд хожсон. Багануур чулуутай, шороотой, нунтаг нүүрстэй чигээр нь хутгаад өгдөг байсан. Айлын эзэн нүүрсээ гэрийнхээ гадаа аваачаад орны пүршин дээр шигшээд нунтагаа хаягдал болгоод авдаг нь үнэн шүү дээ. Энэ байдлыг л хөнгөлөөд шигшээд, чулууг нь ялгаад, мөнгийг нь иргэдээс аваад Багануур ХК-д өгч байгаа процесс шүү дээ. Нүүрс хөтөлбөрөөс хэн хохирсон юм. Энэ гурван хүн л хорирлоо шүү дээ. Иргэд бол хожсон. Багануур хохироогүй гэдгээ хэлсэн.