Л.Гансүх нарт холбогдох шүүх хуралдааны шийдвэр удахгүй гарна. Яг одоо шүүгдэгч Л.Гансүх  үг хэлэх боломжийг ашиглаж үг хэлж байна.

Үүнээс өмнө түүний өмгөөлөгч н.Цэрэнжээ үг хэлсэн юм. Тэрбээр "Энэ хүний ямар үйлдлээс болж үнэ болон жингийн зөрүү гарсан юм. Хамаарал бүхий этгээдүүд гэж хэнийг хэлээд байгаа. Үүнд прокурорууд хариулж чадахгүй байна.  Н.Алтанхуяг гэдэг хүн яагаад ахлах зөвлөхдөө энэ хажлыг хариуцуулж өгөөд байгаа нь сонин гэсэн юмыг яриад сууж байна. Л.Гансүх энэ ажлыг хариуцаж хийгээгүй. "Нүүрс" хөтөлбөр бол Засгийн газрын ажил. Уг хөтөлбөрийг хэрэгжүүлэх явцад гарсан өдөр тутмын үйл ажиллагааг ахлах зөвлөх нь Ерөнхий сайддаа танилцуулах үүрэгтэй юм байгаа биз дээ. Ийм зүйл ярьж болохгүй. Шалгасан юм байгаа биз дээ.

Төсвөөс нэг ширхэг ч мөнгө гараагүй. Энэ арай дэндэж байна. Төрийн мөнгөн дээр энэ компаниуд үйл ажиллагаагаа явуулсан гэж ярьж байна. Тэгвэл уг компани чинь -600 гаруй сая төгрөгийн бланстай эхэлж байсан. Тэр 600 сая төгрөг өгсөн компани болон буцаагаад авсан компаниудыг АТГ чинь шалгачихсан. Баримттай зүйл. Энэ компаниудад давуу байдал бий болгосон гэнэ. Зээл авах ёсгүй байсан гэнэ. Нөөц сангаас мөн зээл олгох ёсгүй байсан  гэх шиг. Энэ компаниуд зээл яагаад авч болохгүй юм. Зээл авахгүй юм бол яаж ажлаа хийх юм. Нүүрсийг Багануурын уурхайгаас авах ёстой үнээр нь аваад зарсан. Ер нь энэ хэрэг анхнаасаа зохион байгуулалттай улс төрийн зорилготой байна. Тиймээс миний өмгөөлөгчийг цагаатгаж өгнө үү. Энэ хүн гэмт хэрэг хийгээгүй" гэлээ.

Т.Энхэлээ