Өвөрхангайд үнэг галзуурчээ

2015-9-21

Мал, амьтны гоц халдварт болон халдварт өвчний тухай:

Дорноговь аймгийн Айраг сумын Сайн-Ус багийн “Сэрвэн” гэдэг газар малчин У-ын 28 хонь 2015.09.07-ны өдөр халдварт өвчний шинж тэмдэгтэйгээр өвчилснийг тусгаарлаж, дээж авч УМЭАЦТЛ-д шинжлүүлжээ. Шинжилгээний хариу “Хонины цэцэг” өвчин болох нь тогтоогджээ.

Мөн Төв аймгийн Сэргэлэн сумын Хайрхан багийн “Амгалант” гэдэг газар малчин Н-ийн 4 хонь 2015.08.03-ны өдөр халдварт өвчний шинж тэмдэгтэйгээр хорогдсон тул сэг зэмийг устгаж, дээжийг шинжлүүлэхэд “Хонь, ямааны Маэди-Винса” өвчин илэрсэн байна.

Түүнчлэн Өвөрхангай аймгийн Тарагт сумын Хараацай гэдэг газар малчин Б-ийн хотны ойролцоо 1 үнэг 2015.09.09-ний өдөр үхсэн байсныг устгаж, ариутгал халдваргүйжүүлэлт хийн дээж авч аймгийн МЭАЦЛ-д шинжлүүлэхэд 2015.09.09-ний өдрийн хариугаар “Галзуу” өвчин болох нь тогтоогдоод байна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Монгол (43.242.242.50)

Маш их хэмжээний мах гадаадад экспортлоно гээд байсан яасан бэ? Ямар мэдээллийг гадагшаа цацах вэ, ямрыг нь цацахгүй байх вэ гэх мэтээр асуудалд жаахан учиртай хандмаар юм аа. Түүнээс биш болсон бүх явдлаа яриад л, мэдээлээд л, эцэстээ нүцгэн шалдан юм шиг нууж хаах юмгүй болох вий дээ малнуудаа...

2015 оны 09 сарын 21 | Хариулах