НИТХ-ын тэргүүлэгчид урамшуулал нэрээр улсын мөнгөөр тансагладаг талаарх баримт урьд өмнө нь дэлгэгдэж байсан. Дээрх хүмүүс төрийн мөнгөөр Бразил явж хөлбөмбөгийн тэмцээн үздэгээс гадна АНУ-д очиж зугаалсан гэх мэт мэдээллүүд бий. Тэгвэл НИТХ-ын тэргүүлэгчтэй холбоотой бас нэгэн баримт дэлгэгдээд байна.

Тодруулбал, Дүүргийн төлөөлөгчид улиралд 4.5 сая төгрөгийн урамшуулал авдаг бол НИТХ-ын тэргүүчлэгчид нэг, хоёрдугаар улирлын урамшуулал гэж 27 саяыг авсан тухай нэгэн баримт олон нийтэд ил боллоо. Уг тайланд дурдсанаар  НИТХ-ын төлөөлөгч Ж.Амарсанаа 27 сая, Б.Бадарсан 27 сая, Д.Оросоо, Э.Бат-Үүл, Д.Баттулга гээд бүх төлөөлөгч 1,2 дугаар улирлын урамшуулал гэж 27 сая төгрөгийг гаргуулж авсан байна.

Үүнийг тэд ажлынхаа урамшуулал болгож авдаг аж. Энэ талаар НИТХ-ын тэргүүлэгчид тайлбарлахдаа "Бид цалин гэж тогтмол авдаггүй. Тиймээс ажилласан урамшууллаа ингэж авдаг" гэж гэсэн юм.  Гэхдээ хүн тус бүр 27 сая төгрөгийн урамшуулал авч байна гэж бодоход  НИТХ нь 45 төлөөлөгч нийлээд маш их хэмжээний мөнгийг улсын төсвөөс гаргуулж авч байна гэсэн үг. Тухайлбал, нэг хүн жилдээ 54 сая төгрөгийг авдаг байна.

Т.Сар