Энэ зоосыг “Мөнгөн пирамид” гэж нэрлэдэг. Үүнийг Тутанхамоны шарилыг олсон Говард Картерийн 70 насны ойд зориулан гаргажээ.
Найман жилийн өмнөөс Монгол улс устан сөнөж буй амьтдын дүрс бүхий зоос гаргаж эхэллээ. Үүнийг ч дэлхийн улс орнууд тун их дэмжиж байгаа юм. 2011 онд л гэхэд “Уралын шар шувуу” нэртэй зоос гаргаж эхэлсэн бөгөөд дээд зэргийн мөнгөөр урлаж, нүдийг нь Сваровски шигтгээгээр орлуулжээ. “Уралын шар шувуу”-г худалдан авч болно. Гэхдээ нэг зоос 1.5-3000 доллар юм.
10 жилийн өмнө Сомали улс рок-н-ролл үүссэний 50 жилийн ойд зориулан цөөхөн хувиар эдгээр мөнгөн зоосыг гаргажээ.
Хүний аливаа юмыг ургуулан бодох чадвар үнэхээр гайхамшигтай зүйл. Тэд амьдралынхаа явцад юу эсийг бодож олов, бүү мэд. Зоос, мөнгөн тэмдэгтийн хувьд ч ялгаагүй. Нэг хэсэг нь урлагийн бүтээл болгон хувиргаж байхад нөгөөх нь хүндлэл дээдлэлийн хэлбэр болгсон байх жишээтэй. Ингээд дэлхийн хамгийн сонин содон гэх зоос мөнгөн тэмдэгтүүдийг сонирхуулъя.
Хүүхэлдэйн киноны нэр зураач Уолт Диснейн сонирхлыг ч мөнгө тойроогүй байдаг. Түүний үлгэрийн ертөнц өөрийн гэсэн валюттай байх хэрэгтэй гэж үзсэн бөгөөд 1987 онд анх хэвлэгдэн гарч, эдүгээ Уолт Диснейгийн бүх амралт, усан хөлөг, арал дээр хүчин төгөлдөр үйлчилж байна. Өнөөдрийн байдлаар 50, 10, 5, 1-т гэсэн дэвсгэртүүд гүйлгээнд ордог, мөн хамгийн гол нь Диснеен нэг доллар Америкийн нэг доллартай ханш нэг байдаг аж. Гагцүү дэвсгэрт дээр Америйн Ерөнхийлөгчид бус харин хүүхэлдэйн киноны баатруудын зураг дурайж байдгаараа онцлогтой гэнэ.
Якутад Октябрийн хувьсгалын дараа төгрөгийн оронд дарсны шошго ашиглах зөвшөөрлийн Ардын комиссариатын газрын санхүү хариуцсан сайд Алексей Семенов гаргасан байдаг. Энэ тухай зохиолч Максим Горький “Нэгжийн тухай” гэдэг зохиолдоо маш тодохой өгүүлсэн байдаг аж. Тэд Портвейн, Херес, Кагор, Мадера зэрэг дарсны шошгон дээр Сангийн сайд гарын үсэг зураад тусгай лац дардаг байжээ.
Гурван жилийн өмнө “Эрвээхэй” нэртэй энэ зоосыг гаргажээ. Мөнгөөр урлаж, эрвээхэйн дүрсийг өнгөтөөр маш нарийн сийлсэн энэ зоос 1000 камерун франктай тэнцдэг. Гагцхүү ердөө л 2500 ширхэгийг үйлдвэрлэсэн байна.
Д.Гал
