Энэ сарын 25-30-ны өдрүүдэд зохиогдох "UB ART FAIR 2015"-н хүрээнд олон ажил хийгдэхээр төлөвлөгдсөний нэг нь олон нийтэд урлагийн боловсрол олгох хөтөлбөр юм.
Энэ сарын 28-ны өдөр буюу ирэх даваа гаригт Монголын Урчуудын Эвлэлийн Хорооны арт галерей, Монголын Уран Зургийн галерей, Занабазарын нэрэмжит Дүрслэх Урлагийн Музей гэсэн 3 газарт тогтсон цагийн хуваарийн дагуу мэргэжлийн уран бүтээлчид дүрслэх урлагийн талаар сонирхолтой лекцүүд унших юм байна.
"UB ART FAIR 2015"-н Урлагийн боловсрол олгох хөтөлбөр нь дараах хуваарийн дагуу явагдах юм.
2015.09.28
Монголын Урчуудын Эвлэлийн Хорооны Арт галерей
-12:00-13:00 Алтан хальс холбооны ТУЗ-ийн дарга, кино найруулагч Ш.Ихбаяр
"Дүрслэх урлаг ба кино"
-14:00-15:00 МУЭ-н шагналт, урлаг судлаач О.Сосор
"Уран зургийн орчин үеийн чиг хандлага"
-16:00-17:00 Ц.Эрдэнэцог "Дүрслэх урлаг-Өнөөдөр"
Монголын Уран Зургийн Галерей
-13:00-14:00 С.Ганзүг "Үйл хөдлөлийн урлаг”
-16:00-17:00 Ё.Далх-Очир Хөх нар төвийн тэргүүн, куратор "Контемпорари урлаг"
Занабазарын Нэрэмжит Дүрслэх Урлагийн Музей
12:00-13:00, 16:00-17:00 Дүрслэх Урлагийн Музейн аргазүйн зөвлөлийн дарга, эрдэм шинжилгээний ажилтан, археологич, магистр Х.Цэрэнбямба
"Өндөр гэгээн Занабазарын урлагт мөнхөрсөн 5 дүр"
UB ART FAIR 2015-г Нийслэлийн Аялал Жуучлалын Газар, Монголын Урчуудын Эвлэлийн Хороо, Profile agency хамтран зохион байгуулж байна.
Дашрамд дурьдахад олон улсын шагнал хүртсэн дүрслэх урлагийн бүтээлүүдийн танилцуулга тун удахгүй хотын гудамжинд тавигдах аж.
Д.Дорждэрэм: "Орон зай дахь дуу хоолой”
Б.Баясгалан: “Цээж баримал”
Х.Батбаатар: “Тайлбаргүй”
