Төв аймгийн Баянчандмань суманд онц ноцтой гэмт хэрэг гарсан байна. Тодруулбал,  тус сумын Засаг даргын тамгын газарт ажилладаг бүсгүйг нутгийн нөлөө бүхий албан тушаалтнууд хүчиндэж, зодсоныхоо дараа хээр хаясан байж болзошгүй хэрэг гараад байна. Хэргийг одоо холбогдох цагдаагийн газарт шалгаж байгаа бөгөөд шүүх шинжилгээний хариу гараагүй байгаа аж.  Хохирогч Б бүсгүйг хурал дээр сууж байхад "Малын гоц халдварт өвчин гарлаа. Хүрээд ир" хэмээн сумын орлогч дарга Б.Ханбаатар, Засаг даргын тамгын газрын дарга н.Ариунболд нар дууджээ.

Тэд бүсгүйг худлаа хэлэн гаргаж улмаар унаганы найранд дагуулан явсан байна. Унаганы найранд дарга нараа дагаж явсан бүсгүй ухаан алдсан байдалтай, Б.Ханбаатар гэгчийн машины гадаа хэвтэж байсныг н.Ариунболдын жолооч олж эмнэлэгт хүргэжээ. Хохирогч бүсгүй ухаангүй Гэмтэл согог судлалын үндэсний төвд хүргэгдэн ирж өчигдөр ухаан орсон байна. Хохирогч бүсгүйн ар гэрийнхэн охиныг сахин харж байна. Тэд хэлэхдээ "Охин хүчиндүүлсэн байдалтай олдсон. Мөн зодуулсан байсан. Цус, нөжөөр бөөлжөөд биеийн байдал нь тааруу байгаа" гэв.

Хэргийн газар ажилласан цагдаагийн албан хаагчид хэрэгт холбогдуулан гурван хүнийг шалгаж байна. Дагуулж явсан гэх Б.Ханбаатарыг цагдан хорьжээ.

Уг хэргийг тус сумын удирдлагууд ихээхэн нууцалж байгаа гэнэ.

Т.Сар