Өнөөдөр болох зарим үйл явдлыг танилцуулж байна.
09.00 цагт: НИТХ-ын ээлжит 30 дугаар хуралдаан Хангарди ордны 14 давхарт эхэлнэ. Хуралдаанаар хэсгийн ахлагч нарын ажиллах журам болон иргэнд гэр бүлийн хэрэгцээний зориулалтаар өмчлүүлэх газрын байршил хэмжээг батлах тухай зэрэг асуудлыг хэлэлцэнэ.
09.30 цагт: Монголын санхүүгийн зах зээлийн 2030 он хүртэл ххугацааны шинэчлэл, хөгжлийн хөтөлбөрийн хэлэлцүүлэг Банк Санхүүгийн Академийн байранд болно.
10.00 цагт: Дорнод аймгийн Халх гол сумын иргэд болоод өмгөөлөгч Г.Батбаяр нар Чингисийн талбайд “Халх гол” чөлөөт бүсийн тухай УИХ-ын 75-р тогтоолыг цуцлахыг шаардаж, бүх нийтийн гарын үсгийг цуглуулах ажиллагааг зохион байгуулна.
10.00 цагт: НМХГ-ын хурлын зааланд Монгол улсад ашиглахыг хязгаарласан химийн хорт болон аюултай бодисын жагсаалтанд орсон Асбест болон асбест агуулсан бүтээгдэхүүнд хяналт шалгалт хийсэн талаар мэдээлэл хийнэ.
11.00 цагт: "Хэвлэл, мэдээллийн хэрэгслийн сөрөг нөлөөллөөс хүүхдийг хэрхэн хамгаалах вэ" сэдэвт хэлэлцүүлэг Багшийн хөгжлийн ордонд болно.
11.00 цагт: МХЕГ-ын Хөдөлмөр, нийгмийн хамгааллын хяналтын газраас орон даяар зохион байгуулсан "Хүний төлөө-Зөв тус" аяны хаалтын ажиллагаа Хөшигийн хөндий дэх Олон улсын шинэ нисэх буудлын төслийн талбайд болно.
11.30 цагт: Монгол Улсын Хүний эрхийн Үндэсний Комиссоос зарласан Хэвлэлийн бага хурал ХЭҮК-ын сургалтын танхимд болно.
11.30 цагт: Азхур номын их дэлгүүрт 20-р зууны шилдэг романууд цуврал номын нээлт болно. Урилгаар оролцох хүндэт зочид номын хэсгээс өөрсдөө уншиж,үзэгчдийн хүртээл болгоно.
12.00 цагт: Монгол, Хятадын Анхдугаар ЭКСПО, соёлын солилцооны долоо хоногийн хүрээн дэх өсвөрийн хөлбөмбөгчдийн тэмцээнээс алтан медаль хүртсэн “ДМЮ”, хүрэл медаль хүртсэн “Дэрэн” клубын тамирчид Спортын төв ордны 4 давхарт мэдээлэл хийнэ.
12.00 цагт: VTV HD телевиз “Бид Монголдоо хайртай” төслийн хүрээнд Монгол залуусын мөрөөдлийг бодит болгож, дэлхийн хөгжмийн хөгжилтэй хөл нийлүүлэн алхах цаг нь ирсэн гэдгийг харуулах зорилгоор нэгэн томоохон шоу төслийг хэргэжүүлэх гэж байгаа талаар хэвлэлийн бага хурал "Зууны мэдээ" сонины Үндэсний мэдээллийн төвд болно.
13.00 цагт: "Үндэсний Өгөх Өдөр"-ийн хүрээнд Тархины сааны холбоо, Сэргээн Засах Эмчилгээний “Таны инээмсэглэл төв”-тэй хамтран зохион байгуулах саажилттай хүүхдүүдийн уран бүтээлийн "Энэ бол би" үзэсгэлэнгийн албан ёсны нээлт Занабазарын нэрэмжит Дүрслэх урлагийн музейд болно.
15.00 цагт: Гадаад хэргийн сайд Л.Пүрэвсүрэн Монгол Улс НҮБ-ын Хүний эрхийн зөвлөлийн сонгуульд үнэмлэхүй ялалт байгуулсан тухай Чингис хаан Олон улсын нисэх буудалд мэдээлэл хийхтэй холбоотойгоор сэтгүүлчдэд зориулсан автобус ГХЯ-ны урдаас автобус явна.
16.00 цагт: Дэлхийн банкнаас зохион байгуулж буй “Боловсролын эдийн засаг ба үр өгөөж” сэдэвт хэлэлцүүлэг БСШУЯ-ны 401 тоот танхимд болно.
