БАРИМТ 1
Эйфелийн цамхаг (Франц: Tour Eiffel) буюу Төмөр Хатагтай (La Dame de Fer) нь өнөөгийн Парис хотын төвд байрлах төмөрөөр хийсэн цамхаг юм.
БАРИМТ 2
Энэ цамхаг нь Парис хотын бэлэг тэмдэг болдог бөгөөд гол зохион бүтээгч Александр Густав Эйфелийн нэрээр нэрийджээ.
БАРИМТ 3
Харин Г.Эйфель өөрөө зүгээр л «300-метрийн цамхаг» (tour de 300 mètres) гэж нэрэлдэг байжээ.
БАРИМТ 4
Уг цамхаг Сена мөрний зүүн эрэгт Марсын талбайд (Champs de Mars) телевизийн антены хамт 324 метрийн өндөр хүртэл сүндэрлэнэ. Газраас 300м гаруй өндөртэй тус цамхаг нь 1930 оныг хүртэл дэлхийн хамгийн өндөр байгууламж байжээ.
БАРИМТ 5
Гурван давхартай бөгөөд 1-р давхар нь 57м өндөрт (345 шат), 2-р давхар нь 125м өндөрт (дахин 359 шат), байдаг бол 274м өндөрт байх 3-р давхарт (нийт 1652 шат бий) хүртэл цахилгаан өргүүр байх тул шатаар алхах шаардлага байхгүй.
БАРИМТ 6
Цамхаг нийт 10000 тонн жинтэй ба тойргийн хэмжээ 88,3м.
БАРИМТ 7
Парис хотын хамгийн өндөр барилга болох энэ цамхаг салхинд 6-7 см хэлбэлзэлтэй найгадаг байна.
БАРИМТ 8
7 жилд нэг удаа зэвэрхээс хамгаалах засвар үйлчилгээнд 50-60 тонн будаг хэрэглэдэг.
БАРИМТ 9
Түүхийн хуудас сөхвөл Францын Засгийн газар 1884 онд Францын Их Хувьсгалын 100 жилийн ойг тохиолдуулан 1889 онд Парис хотноо Дэлхийн Үзэсгэлэн Яармаг зохион байгуулах шийдвэр гаргасан бөгөөд уран бүтээлчдийн дунд зарласан уралдаанд түрүүлсэн уг цамхгийг 1887 оны 7-р сарын 26-аас угсран барьж эхэлжээ.
БАРИМТ 10
Үүнийг барихад 700-аад зураг төсөл үйлдэгдэж, 18 мянган хэсэг төмөр хийцийг 2.5 сая ган холбоосоор холбож, сард дунджаар 15м өндрийн хурдтайгаар хэдэн зуун хүний хөлс хүчээр 1889 оны 5-р сарын 6-нд барьж дуусжээ.
БАРИМТ 11
Цамхаг баригдсан цагаасаа эхлээд гайхамшиг гэхээсээ илүү нүдэнд орсон хог мэт Францын нийслэлчүүд төдийгүй нийгмийн нэр хүндтэй зүтгэлтнүүдийн шүүмжлэлийн бай болж байв.
БАРИМТ 12
Зохиолч Ги Дө Моппассан цамхагт байрлах зоогийн газарт байнга зочлох дуртай байсан бөгөөд уг цамхаг харагдахгүй ганц газар Парист үлдсэн нь энэ цамхаг өөрөө юм хэмээн ёжилдог байжээ.
БАРИМТ 13
Гэвч 20-р зууны эхэн үе гэхэд цамхагийн гоо сайхныг магтан дуулах яруу найрагчид, зураачид олширсон бөгөөд 1909 онд цамхгийг нураах төлөвлөгөөтэй байсан боловч радиотелеграфын антенд ашиглахын тулд Эйфелийн цамхаг бүрэн бүтэн үлдсэн гэдэг.
БАРИМТ 14
Одоогийн байдлаар 200 сая гаруй хүн очиж сонирхдог дэлхий дээр хамгийн их хүн үзсэн төлбөртэй дурсгалын газар ажээ.
БАРИМТ 15
Энэхүү цамхаг бол Парис хотын өмч юм байна.
БАРИМТ 16
Цамхаг өдөр бүр үзмэрт нээлттэй байдаг.
БАРИМТ 17
Олон нийтийн хүртээл болгох үүднээс тийз борлуулах, бүтцийн дотор талд нэвтрэх дөрвөн цэг байдаг: хойд, өмнөд, баруун, зүүн.
БАРИМТ 18
Аялал жуулчлалын хоёр ангилал байдаг: хоёр давхаргад 16 евро, хамгийн дээд хэсэгт гарахад 25 евро. Хүүхэд, хөгжлийн бэрхшээлтэй иргэдэд орох тасалбарын хөнгөлөлт үзүүлдэг.
БАРИМТ 19
Цамхагийн нэг, хоёрдугаар давхарт буфетууд байдаг бөгөөд жирийн жуулчид 7.5 еврогоор нэг зүсэм пицца, нэг аяга жүүс худалдаж авах боломжтой.
БАРИМТ 20
Мөн цамхагийн нэгдүгээр давхарт (газраас 58 метр өндөрт) 58 Tour Eiffel нэртэй ресторан байдаг.
БАРИМТ 21
Ердийн хоёр хоолны үдийн хоол энд нэг зочинд 18 еврогийн үнэтэй байх болно.
БАРИМТ 22
2-р давхарт илүү үнэтэй байр байдаг - Le Jules Verne ресторан (өдрийн хоолны хэмжээ нэг хүнд 85 евро орчим байдаг).
БАРИМТ 23
Цамхагийн дээд талын гуравдугаар давхарт шампанск баар байрладаг бөгөөд нэг аяга хийжүүлсэн дарс 10 еврогийн үнэтэй байдаг байна.
БАРИМТ 24
Өнөөдөр Эйфелийн цамхагийг жил бүр 7 сая гаруй хүн зорин очдог бөгөөд дэлхийн хамгийн их үзэгчтэй аялал жуулчлалын байгууламжуудын нэг хэвээр байна.
