БАРИМТ 1
1974 оны есдүгээр сарын 14-нд төрсөн.
БАРИМТ 2
Ховд аймгийн Жаргалант сумын унаган хүү.
БАРИМТ 3
1982-1992 Ховд аймгийн Жаргалант сумын II 10 жилийн сургуульд суралцсан.
БАРИМТ 4
1999 онд Санхүү эдийн засгийн дээд сургуулийг Эдийн засагч мэргэжлээр төгссөн. Дараа нь 2005 онд Нидерланд Улсын Маастрихтын Их сургуульд мэргэжил дээшлүүлсэн.
БАРИМТ 5
2014 онд Монгол Улсын Их Сургуулийн Хууль зүйн сургууль эрх зүйч мэргэжлээр тус тус төгссөн.
БАРИМТ 6
2001 онд Ардын хувьсгалын 80 жилийн ойн медаль, 2006 онд Их Монгол Улс байгуулагдсаны 800 жилийн ойн медаль хүртжээ.
БАРИМТ 7
Мөн 2008 онд Алтангадас одон, 2014 онд Хөдөлмөрийн гавъяаны улаан тугийн одон, 2011 онд Ардын хувьсгалын 90 жилийн ойн медаль тус тус хүртээд байна.
БАРИМТ 8
2008 оноод өнөөг хүртэл таван удаа УИХ-ын гишүүнээр сонгогдон ажиллаж буй.
БАРИМТ 9
1998-2000 онд "Ховдын өргөө" ХХКомпаний ерөнхий захирал, 2000-2006 онд "Нью Прогресс" ХХКомпаний захирал, 2006-2008 онд, "Нью Прогресс" группын Төлөөлөн удирдах зөвлөлийн дарга, 2008 онд "Нью Прогресс" группын Ерөнхийлөгчийн албыг хашсан.
БАРИМТ 10
2013-2016 онд Монгол Улсын Их Хурал дахь Монгол Ардын Намын бүлгийн дарга байв.
БАРИМТ 11
2016-2017 онд Монгол Улсын Засгийн газрын гишүүн, Хууль зүй, дотоод хэргийн сайд 2018-2019 онд Ёс зүйн дэд хорооны дарга 2019-2020 онд Монгол Улсын Их Хурлын Төрийн байгуулалтын байнгын хорооны даргаар ажилласан.
БАРИМТ 12
2020-2022 онд Монгол Улсын Их Хурлын Хууль зүйн байнгын хорооны дарга, 2022-2024 онд Монгол Улсын Засгийн газрын гишүүн-Зам, тээврийн хөгжлийн сайд, 2024-2025 онд Монгол Улсын Засгийн газрын гишүүн, Батлан хамгаалахын сайд, 2025 оноос Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын даргаар ажиллав.
БАРИМТ 13
Түүнй төрийн ордон дахь өрөөний дугаар "354" юм.
БАРИМТ 14
Улс төрч, эдийн засагч, эрх зүйч мэргэжилтэй.
БАРИМТ 15
Англи хэлтэй.
БАРИМТ 16
Тэрбээр өнгөрсөн 2024 оны сонгуулиар Говь-Алтай, Завхан, Ховд, Увс аймгийг багтаасан баруун бүсээс 79826 санал буюу түүхэн өндөр санал авсан. Энэ нь нийт сонгогчдын 56.6 хувь байлаа.
БАРИМТ 17
Агротехимпекс ХК, АПУ ХК, Говь ХК, Зоос Гоёл ХК, Ремикон ХК, Силикат ХК, Таван Толгой ХК, Хар тарвагатай ХК, Эрдэнэс таван толгой ХК, Эрдэнэс таван толгой ХК, Эрдэнэс Таван толгой ХК ХК, Агротехимпекс ХК, Эрдэнэс Таван толгой ХК зэрэг 13 компанид хувьцаа эзэмшдэг.
БАРИМТ 18
2021 долдугаар сарын 02-нд ХӨГЖЛИЙН БОДЛОГО, ТӨЛӨВЛӨЛТ, ТҮҮНИЙ УДИРДЛАГЫН ТУХАЙ (Нэмэлт өөрчлөлт), МОНГОЛ УЛСЫН ИХ ХУРЛЫН ХЯНАЛТ, ШАЛГАЛТЫН ТУХАЙ (Бие даасан хууль), 2025 оны долдугаар сарын 09-нд Харьяатын тухай хуульд нэмэлт оруулах тухай хуулийг санаачлан батлуулж байжээ.
БАРИМТ 19
Одоогоор түүний өргөн барьсан хоёр хууль хүлээгдэж байна. Эдгээр нь 2024 оны тавдугаар сарын 30-нд Хувь хүний орлогын албан татварын тухай хуульд нэмэлт, өөрчлөлт оруулах тухай, 2025 11 дүгээр сарын 16-нд Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийг өргөн бариад байна.
БАРИМТ 20
Тэрбээр 2020 оны намрын чуулганд 89.4 хувийн ирц, 2021 оны хаврын чуулганд 94.6 хувийн ирц, 2021 оны намрын чуулганд 69 хувийн ирц, 2022 оны хаврын чуулганд 83.3 хувийн ирц, намрын чуулганд 87.1 хувийн ирц, 2023 оны хаврын чуулганд 76.5 хувийн ирц ,намрын чуулганд 74.3 хувийн ирц, 2024 оны хаврын чуулганд 40.9 хувийн ирцтэй оролцжээ. Өөрөөр хэлбэл тэр 2020-2024 онд нийт 79.3 хувийн ирцтэй байна.
БАРИМТ 21
Харин тав дахиа сонгогдсон даруй 2024 оны намрын чуулганд 78.1 хувийн ирц, 2025 оны хаврын чуулганд 85 хувийн ирц, 2025 оны намрын чуулганд 88.9 хувийн ирцтэй байна.
БАРИМТ 22
Хамгийн анх тэр 1998 онд "Ховдын өргөө" ХХКомпаний ерөнхий захирлаар ажлын гараагаа эхэлжээ. 2006-2008 онд Монголын ардчилсан социалист оюутны холбооны Ерөнхийлөгч, Монголын ардчилсан социалист залуучуудын холбооны Удирдах зөвлөлийн гишүүнээр сонгогдон ажиллаж байсан.
БАРИМТ 23
Айлын ууган хүү.
БАРИМТ 24
Тэрбээр чөлөөт цагаараа спортоор хичээллэх дуртай. Гар бөмбөгийн 1-р зэрэгтэй. Ялангуяа уулын спортоор хичээллэх тун дуртай. Алтай таван богд, цаст Цамбагарав, Мөнххайрхан зэрэг Монголын дээвэр болсон ноён оргилуудад авирсан.
Сэтгэгдэл (2)