Дөрөвхөн настай охиноо хөнөөсөн хэргээр анхан шатны шүүхээс 24 жилийн хорих ял сонссон Т.Цогт, Г.Маралмаа нар анхан шатны шүүхийн шийдвэрийг эсэргүүцэн давж заалдах шатны шүүхэд хандахаа мэдэгдээд энэ үед тэдний мөрдөн байцаалтын үед мэдүүлж байсан хийгээд охиныг тамлан зовоож байснаа хүлээн зөвшөөрсөн нотлох баримтуудыг эх сурвалж мэдээллээ.

Тухайлбал, Г.Маралмаа нь өөрийн дагавар охин болох гурван нас 11 сартай О-г 2014 оны аравдугаар сараас 2015 оны хоёрдугаар сар хүртэл хугацаанд бөөгийн зан үйл хийж байгаа гэх нэрийдлээр модон могойгоор байнга зодох, эхийн бузар арилгаж байна хэмээн бэлэг эрхтэнг нь базаж чимхэх, усанд оруулсаны дараа онгорхой цонхон дээр зогсоох, үгэнд ороогүй гэж нүд рүү нь будаг арилгагч шингэн цацах, алгадах зэрэг аргаар байнга тарчлааж зовоож байжээ. Мөн арцыг арвай будаатай хольж хүчээр идүүлдэг байсан аж.

Харин Т.Цогтын хувьд төрсөн охин О-г биеэ хамгаалж чадахгүй байгааг мэдсээр байж өмдөндөө баалаа гэх шалтгаанаар суран бүсний арлаар зодох, Г.Маралмаатай хамтран бөөгийн үйл хийж байна хэмээн охиныг байнга тарчлааж байснаа мэдүүлжээ.

Д.Дуулим