Эрүүл, мэнд спортын сайд Г.Шийлэгдамбыг АТГ-аас баривчилсан. Үүнтэй холбогдуулан Барилга, хот байгуулалтын сайд З.Баянсэлэнгийг АТГ-аас эрэн сурвалжилж эхэллээ гэх мэдээлэл зарим хэвлэл, мэдээллийн хэрэгслээр гараад байгаа билээ.

Энэ талаар Барилга хот байгуулалтын яамны хэвлэлийн төлөөлөгчөөс тодруулахад “З.Баянсэлэнгэ сайдыг АТГ-аас эрэн сурвалжилж яаман дээр ирсэн гэдэг нь худал. Сайд одоо байнгын хорооны хуралд сууж байна. Өчигдөр үдээс өмнө Төрийн ордонд байнгын хорооны хуралд суусан. Үдээс хойш Ерөнхий сайд Ч.Сайханбилэгтэй хамт Төв цэвэрлэх байгууламжийн ажилтай танилцахаар явсан. Түүний дараа яаман дээрээ ирж дэд сайд Г.Байгалмааг үдэж өгсөн. Харин өнөөдөр Төрийн ордонд хуралтай байна” гэлээ.

Т.Хулан