МАХН-ын Ерөнхий нарийн бичгийн дарга, ЭМС-ын сайд Г.Шийлэгдамбыг өчигдөр шөнө 22.00 цагийн үед АТГ-аас баривчилсан. Түүнийг Цагдан хорих 461-р ангид саатуулж байгаа юм. Эх сурвалжуудын мэдээлж буйгаар түүнийг авлига авч байгаад газар дээрээ баригдсан гэж буй. Харин МАХН-аас мэдээлэл хийж "Г.Шийлэгдамбыг баривчилсан нь улс төрийн захиалгатай. Тэр хээл, хахууль авах хүн биш" гэж тайлбарлаж байгаа юм.

Тэгвэл уг асуудалтай холбогдуулан өнөөдөр УИХ-ын үйл ажиллагаа саатлаа. Тодуурлбал, Байнгын хороодын хуралдаан ирц бүрдээгүйгээс болж хойшиллоо. Мөн УИХ-ын чуулганы хуралдаан ч болсонгүй. Учир нь намын бүлгүүд уг асуудлаар дор бүрнээ хуралдацгааж байгаа юм. МАХН, МАН гэх мэт намууд гадуур яаралтай хуралдаж байгаа аж. АН ч уг асуудлаар бүлэг дотроо ярилцаж буй сурагтай.

Сүүлийн үед МАН, МАХН-тай нэгдэнэ гэх яриа гадуур гарсан. Г.Шийлэгдамбын баривчилгаа уг асуудалтай холбогдсон гэдгийг эх сурвалжууд өгч байна.

Т.Сар