Сүхбаатарын нэрэмжит хэвлэх үйлдвэрийн хуучин барилгыг нээлттэй дуудлага худалдаагаар Абдул Карим гэгч 24 тэрбум төгрөгөөр худалдан авсан. Эл дуудлага худалдаатай холбоотойгоор иргэд өөрсдийн үзэл бодлоо илэрхийлсээр байна. www.24tsag.mn сайт иргэдийнхээ үзэл бодлыг "Хэн юу хэлэв" буландаа онцолж байна.
Сүхбаатарын нэрэмжит хэвлэх үйлдвэрийн хуучин барилгыг нэг араб өвгөн худалдан авчээ. Энэ бол алсдаа Энхбаяр гуай авснаас илүү аюултай агаад хор уршигтай байх болно, Энэ талаар хэвлэл мэдээллээр зөв буруу гээд шуугиж байна. Тэр худалдаж авсан этгээд мэдээж энэ газрыг зөөж аваад явахгүй тул энд ямар нэгэн барилга баригдах нь тодорхой.
Тэр араб өвгөн Монгол улсын иргэн юм гэнэ. Монгол улсын иргэний харъяалал бол тэр болгон гаднынханд олдоод байдаггүй зүйл биш, Монголын иргэн болох хүсэлтэй олон мянган угсаа нэгт монголчууд бий. Гэтэл энэ араб өвгөн яагаад Монголын иргэн гэнэт болчиxдог байна. Энэ бол авилгатай шууд холбоотой. Мөнгөтэй нь чөтгөр боловч Монголын иргэн болдог, мөнгөгүй нь цус нэгт монгол хүн байвч болж чаддаггүйг энэ гэрчилнэ.
Авилгатай тэмцэх газар юун түрүүнд энэ араб хүний иргэний харъяаллыг шалгах хэрэгтэй. Төрийн ордны хажуу талд харийнхан газар худалдаж авна гэдэг бол Монгол улсын аюулгүй байдал нэн дорд орсны бас нэгэн том гэрч мөн. Энд моск барьдаггүй юм аа гэхэд өндөр барилга бариx нь тодорхой доо. Дайсагнагч эргээд харь эзэнтэй энэ газар бүгж байгаад халдлага хийхэд нэн боломжтой нөхцөл бүрдэх болно. Энэ бол аюулгүй байдал талаасаа огт болохгүй зүйл.
Монгол улсын тусгаар тогтнолыг хадан дээр тавьсан түүхий өндөг гэж шоглон хэлдэг. Учир нь салхи хөдөлбөл өндөг унана. Унасан өндөг хагарна. Хагарсан өндөг хатна. Хальс нь салхинд хийсээд ор мөргүй алга болно. Тэгээд хад л хэвээрээ үлдэнэ гэдэг. Тэр айхтар заналхийллийг бид санаж явах хэрэгтэй. Эл барилгын газрыг харийн хүнд худалдсаныг дургүйцэн жигшиж байна. Надтай үзэл бодол нэг байваас миний энэ эсэргүүцлийг цааш түгээж, тарааж, шэйр хийж өгөөрэй.
Сэтгэгдэл (6)