Цагдаагийн алба хаагчид саяхан олноо "Гандан бороо" хэмээн алдаршсан Ч.Батхуягийг баривчилсан мэдээлэл байна. “Гандан бороо” гэх хочтой энэ залуу бусдыг далайлган сүрдүүлэх, иргэдийн өмч хөрөнгийг авахдаа айлгах, зандалчлах, бие эрхтэнд нь халдах, хүч хэрэглэдэгээрээ алдартай гэнэ.  

Одоогийн байдлаар цагдаагийн байгууллагаас энэ тухай албан ёсоор мэдээлэл өгөхгүй байгаа ч  бусдыг залилж онц их хэмжээний хохирол учруулсан, бусдын эд хөрөнгийг далайлган сүрдүүлж авсан гэх үндэслэлээр Эрүүгийн цагдаагийн газрын  Зохион байгуулалтай гэмт хэрэгтэй тэмцэх хэлтэст шалгаж байгаа юм байна. Иргэд дээрх этгээдэд өмч хөрөнгөө алдсан, залилуулсан бол цагдаагийн байгууллагад хандаж болох юм байна.

Т.Энхэлээ