Сүүлийн үед банк санхүүгийн байгууллага руу амар хялбар аргаар мөнгө төгрөг олохыг санаархсан этгээдүүд халдах тохиолдол гарч байна.

Өнгөрсөн удаад Худалдаа хөгжлийн банк руу ах, дүү хоёр халдаж 400 гаруй сая төгрөг дээрэмдсэн ч төд удалгүй баригдсаныг та бүхэн санаж байгаа байх.

Тэгвэл  Капитал банкинд халдаж, 14 орчим сая төгрөг дээрэмдсэн хэрэг гарлаа. Тодруулбал, Хан-Уул дүүргийн нутаг дэвсгэрт байрлах Капитал банкны салбарт дээрэмчин этгээд халдаж дээрмийн хэрэг үйлдсэн байна.

Эх сурвалжийн мэдээлснээр тус банкинд 180 см орчим өндөртэй, 25-30 орчим насны үл таних эрэгтэй халдаж, банкны ажилтнуудыг айлган сүрдүүлж 14 орчим сая төгрөг дээрэмдэж, зугтаажээ.

Одоогоор уг этгээдийг баривчлаагүй байгаа бөгөөд  эрэн сурвалжлах ажиллагааг эхлүүлээд байна. Мөн Хан-Уул дүүргийн цагдаагийн хэлтэсээс хэрэгт эрүүгийн хэрэг үүсгэн мөрдөн байцаалтыг явуулж эхэлллээ.

Д.Ундрах /24tsag.mn/