МҮХАҮТ-аас зохион явуулдаг оны шилдэг ААН, бизнес эрхлэгчдийг тодруулан шалгаруулдаг "Энтрепренер-2015" арга хэмжээний үеэр, Тээвэр ложистикийн шилдэг байгууллагаар Монгол Оросын “Улаанбаатар төмөр зам” ХНН-ийн Олон Улсын Тээвэр зуучлалын төвийг шалгаруулжээ. Өнөөдөр манай улсын зах зээлд тээвэр зуучийн 150 гаруй аж ахуйн нэгж үйл ажиллагаа явуулдаг өрсөлдөөнтэй зах зээл юм байна. Үйлчлүүлэгч байгууллагууд тээвэр ложистикийн компаниа сонгохдоо хариуцлагын, эдийн засгийн, туршлага гэсэн үндсэн гурван баталгааг нь харгалзах нь эдийн засгийн хямралын ороо бусгаа үед томоохон эрсдэлээс сэргийлэх хамгийн зөв гарц гэж Монголын шилдэг бизнесменүүд дүгнэж байна.

А.Агаржин