Оны өмнө батлан даалтанд гарсан Г.Шийлэгдамба  Эрүүл мэнд, спортын яамны сайдын ажлаа өнөөдрөөс эхлэн хийхэд хуулийн хориг байхгүй гэж  Засгийн газрын хэрэг эрхлэх газрын, Хууль эрхзүйн газрын дарга Д.Мөнх-Эрдэнэ хэлсэн байна.

Тэрээр "Хуулийн дагуу Засгийн газрын гишүүдийг УИХ томилж, чөлөөлдөг. Одоогоор Эрүүл мэнд, спортын сайдыг УИХ үүрэгт ажлаас нь чөлөөлөөгүй болно. Засгийн газрын тухай хуулийн 21 дүгээр  зүйлийн 2 дахь хэсэгт заасны дагуу нөхөн томилох асуудлыг 30 хоногийн дотор шийдвэрлэхээр хуульчилсан байна. 30 хоногийн хугацааг тоолж ч эхлээгүй нь тодорхой юм гэжээ. Тэгэхээр Г.Шийлэгдамба сайдыг цагдан хоригдож байх хугацаанд Эрүүл мэнд, спортын сайдын албан үүргийг түр хариуцаж байсан Ц.Оюунбаатар өнөөдрөөс эхлээд дангаар шадар сайдын ажлаа хийж болно" гэжээ.