Өнгөрсөн оны арванхоёрдугаар сарын 21-ний өдөр Нийслэлийн “Өргөө” амаржих газарт амаржихаар очсон эх хүүхдийнхээ хамт эндсэн харамсалтай хэрэг гарсан. Хохирогчын ар гэрийнхэн нь 100 хувь эмч нарын буруугаас эх хүүхэд хоёр амиа алдсан гэж мэдээлсэн.

Харин НЭМГ-аас талийгаачийн задлан шинжилгээний хариу 10 хоногийн дараа гарна тэр болтол ямар нэгэн мэдээлэл өгөхгүй хэмээж байсан бол Шүүхийн шинжилгээний Үндэсний Хүрээлэнгээс хуулийнхаа хүрээнд 21 хоногийн дотор гарна гэж мэдээлж байсан юм.

Тэгвэл шинжилгээний хариу өнөөдөр гарсан байна. Гэвч энэ талаарх мэдээллийг албан ёсоор өгөх боломжгүй байгаа гэдгийг эх сурвалж мэдээллэв. Ямартай ч талийгаачийн ар гэрийнхэн нь “Эмч нарын 100 хувь буруутай үйлдэлтэй холбоотой учраас Шүүх эмнэлгийн дүгнэлтийг нарийн танилцуулахгүй, нууцлаад байна” гэж үзэж байгаа юм байна.