“Ирвэс хамгаалах сан”-гийн биологич залуу Т.Лхагвасүмбэрэлийн үхлийн шалтгаан өнөөдөр ч таавар хэвээр байгаа.  

Цагдаагийн байгууллага энэхүү хэргийг шалгаж байгаа ч талийгаачийн ар гэрийнхэн хэргийг хэрэгсэхгүй болгож, замхрахвий гэхээс эмээж байгаагаа ч нуухгүй илэрхийлсэн.

Түүнчлэн гэмт этгээдийг олж хэргийн үнэн мөнийг олж тогтоохыг Монголын ард түмэн ч шаардсаар байгаа билээ.

Тэгвэл талийгаач залуугийн төрсөн дүү Т.Мөнх-Оргил өөрийн фэйсбүүк хуудсаараа дамжуулан АТГ болон УМБГ-аас ахынхаа хэргийг шалгаж, илрүүлэхийг шаардаж ахынхаа "амийг нэхэв".

Тэрбээр энэ талаараа “Говь ч бай, Хөвсгөл ч бай яг адилхан л Монгол орны минь, эх орны минь нэг хэсэг, бидний газар нутаг биз дээ? Миний ах хаа хол Хөвсгөл, бүр тэр сайхан цэнгэг далай ээж, өсөж төрсөн нутаг уул усаа орхин, Говь сайхан нутгийг хамгаалахын төлөө л явсан шүү дээ! Ахын минь гол зорилго дэлхийд нэн ховор амьтдын нэг ирвэсийг хамгаалах, өсгөх, үржүүлэх тоо толгойг нь өсгөх байсан гэдгийг хэн хүнгүй мэднэ. Мөн Тост Тосонбумбын нурууг Улсын Тусгай хамгаалалтад оруулж миний, чиний, таны хүүхдийн хүүхдийн ирээдүйн сайн сайхны төлөө тэмцэж байсан!

Байгаль дэлхийгээ хамгааллаа гэж хүний дээд ахын минь алтан амийг тасалж байгаа юм уу? Даанч дээ эрдэнэт хүний АМЬ шүү дээ!!! Ийм сайхан хүүг төрүүлж өсгөсөн, хүүгээ харамсалтайгаар алдсан аав, ээжийг нь доромжлоод байгаа юм уу, эсвэл ахынхаа дэндүү харамсалтай үхэлд итгэж чадахгүй байгаа гашуун зовлонгоор минь баясаад, жаргал хийгээд байгаа юм уу?

Амиа хороосон байж болзошгүй, өөрийгөө алах гэж оролдсон гэх мэт байж боломгүй юм яаж зохиож чадаж байна аа. Цагдаа олоогүй бичлэгийг аав нь олсон, сэжигтэй гэж ч байх шиг. Төрүүлсэн, өсгөсөн аав нь л юм чинь хүүгийнхээ төлөө утасны бичлэг битгий хэл өөр илүүг олохын төлөө явахгүй яадаг юм. Худлаа биш үнэн. Зарим нэг төрийнхөн гэж бодлого л ярьж суухаас биш бодитой ажил хийдэггүй. Үүнийг Өмнөговь аймгийн Гурван тэс сумын Цагдаагийн тасгийн дарга н.Төрбат гэгч этгээдээс эхлээд тод томруун харагдаж байна.

Энэ мэт Төрийн цагдаагийн нэр төр, сүр сүлдийг уландаа гишгэсэн үзэл бодол, үгээ худалдсан “хүнэнцэрээс” эхлээд шалгаж эхэлмээр юм! Зарим нэг эрх мэдэлтнүүд хоорондоо өгөө аваатай, булай булхайгаа мэдэлцдэг болохоор булхай нь илэрчих гээд яаж ч чадахгүй байгаа юм уу хаашаа юм, мэдэхгүй юм үнэхээр. Бүр гурвын гурван удаа халдлагад өртөөд байхад, тухайн халдлага бүрт нь ТӨРИЙН ЦАГДАА ӨРГӨСӨН ТАНГАРАГТАА ҮНЭНЧЭЭР ажилласан бол өнөөдөр миний ах амьд сэрүүн, ирвэсээ хамгаалаад явж байх байсан юм. Би Төрийн Цагдааг хүндэлдэг, бүгд цагдаа формны гол биш гэдгийг ч мэднэ, гэхдээ арай ч дээ. Төрийн Цагдаагийн тангаргаа зөрчсөн иргэнийхээ аюулгүй байдал, хүний амь насыг үл хүндэтгэсэн, үл тоосон зарим арчаагүй хүнэнцэр, формны гол болсон араатнуудаа яах гэж байна, одоо?

Бас миний ахад одон медаль нэхэж олгоно гээд юу “хуцаад” байгаа юм. МИНИЙ АХЫН АМЬ ЗҮГЭЭР НЭГ АРЫН ХААЛГААР ХЭН ДУРТАЙ НЬ АВЧИХДАГ ХАВТГАЙ ТӨМӨРНИЙ ҮНЭТЭЙ БИШ ШҮҮ!!!! БИ ТӨРСӨН ДҮҮГИЙХ НЬ, БАС МОНГОЛ УЛСЫН ИРГЭНИЙ ХУВИАР ЭХ ОРНЫХОО ЭХ БАЙГАЛИЙНХАА ТӨЛӨӨ АМЬ НАСАА ДЭНДҮҮ ХАРАМСАЛТАЙГААР, ЗАРИМ НЭГ ХАРИУЦЛАГАГҮЙ ФОРМНЫ ГОЛУУДААС БОЛЖ АЛДСАН ЖИРИЙН НЭГ АРДЫН ЖИНХЭНЭ БААТАР ХҮҮГИЙН, АХЫНХАА АЛТАН АМИЙГ НЭХЭЖ БАЙНА!

Ах минь Монгол төдийгүй дэлхийн томоохон судлаач, биологичдод танигдсан нэр хүндтэй, бусдын хайр хүндэтгэлийг хүлээсэн эрүүл саруул жинхэнэ монгол эр хүн, хамт олонтойгоо эвсэг, шударга шулуун, ажилдаа дуртай чадварлаг биологич байсныг гадаад дотоодын эрдэмтэд судлаачид дуу нэгтэйгээр хэлнэ!!! Мөн олон улсын сонин сэтгүүл, вэб сайтад судалгааны ажил нь хэвлэгдсэн нэр хүндтэй биологич байсан гэдгийг ч хэлнэ.

1. http://www.snowleopard.mn/index.php/medeelel/%D0%BC%D1%8D%D0%B4%D1%8D%D1%8D/177-letter 

2. http://www.snowleopard.org/death-of-sumbee-tomorsukh

3. http://jnls.cup.org/abstract.do?componentId=9731838&jid=ORX&iid=#.VpMFPexOKnM

4. https://www.researchgate.net/profile/Lkhagvasumberel_Tumursukh/publications

5. http://journals.plos.org/plosone/article?id=10.1371/journal.pone.0101319

6. http://ncf-india.org/publications/406

7. http://mobil.unt.se/uppland/uppsala/snoleopards-jakt-kartlagd-med-gps-3740922.aspx

8. http://throughgoldeneyes.blogspot.com/2015/06/is-there-enough-wild-prey-for-tosts.html?m=1

9. http://snowleopardnetwork.org/bibliography/Johansson_et_al_2015.pdf

10. https://www.researchgate.net/profile/Lkhagvasumberel_Tumursukh

11. http://news.num.edu.mn/?p=29997

Эх дэлхийгээ ухаж төнхөж сэндийлж, бусдад худалдаж суугаа арчаагүй амьтдыг өөгшүүлээд л газар шороогоо ухуулаад л сууцгаах уу? Нөгөө сайхан Говь нутгийн хөрсийг сэндийлээд нурам болсных нь дараа Говь нутаг минь сөнөлөө, гол ус нь ширгэлээ, дэлхийд ховорт тооцогдох ЦООХОР ИРВЭС устчихлаа гээд халаглан, харамсан сууцгаах уу?

Өнөөдөр, одоо бид тэмцэхгүй юм бол өөр хэзээ гэж? Дараа гэсэн ойлголт байхгүйг бид маш сайн мэдэж, ухаарч, ойлгож байгаа!!! Мэдсээр байж хориодхон хөөрхөн ИРВЭС, дан ганц ирвэсний аюулгүй байдлын төлөө биш гэдгийг ч мэдэж л байгаа, доод дээдгүй. Гайхалтай нь Өмнөговийн ИТХ, бүлэг нөхөрлөл, Залуучууд, Оюутны холбоо, Тусгай хамгаалалтын захиргаа, сум орон нутгийн захиргаа нь таг шүү! Бүгд аалзны тор шиг сүлбээтэй юм уу? Үнэхээр мэдэхгүй юм. Уг нь Өмнөговь аймгийн Гурвантэс сумын Тост Тосонбумбын нурууг УЛСЫН ТУСГАЙ ХАМГААЛАЛТАД авах үйл ажиллагааг эрчимжүүлж, шахаж шаардах хэрэгтэй бус уу? Нөөцөд авчихсан гээд тайвширч бид яав ч болохгүй! Нөөцөд авна гэдэг нь хар ухаанаар ч тэр нөөцөд авсан нэрийдлээр нөөцлөж, ард иргэд бидэнд мартагнуулж байгаад дараа нь ухна аа, цоолно оо, өрөмдөнө өө, ширгээнэ ээ, сөнөөнө өө, сүйдэлнэ ээ л гэж байна шүү дээ! Зарим нэг нь сүрхий нутгархаж нутаг минь хөгжиж байна гэж цээжээ дэлдэж, гадаад дотоодын хөрөнгө оруулалттай уул уурхайн компанийн ганц нэг бий болгосон хар зам төдийхөнд хууртаж, тэдний бөгсийг долоон, бялдуучилж суугаа та ямар өчүүхэн юм бэ! 

ГОВЬ Ч ТЭР ХАНГАЙ Ч ТЭР ЯГ АДИЛХАН МОНГОЛЫН Л ГАЗАР ШОРОО ГЭДГИЙГ САНАААРАЙ! ӨМНӨГОВЬ АЙМГИЙН ГУРВАНТЭС СУМЫН ТОСТ, ТОСОНБУМБЫН НУРУУГ УЛСЫН ТУСГАЙ ХАМГААЛАЛТАД АВАХЫГ Л ШААРДАЦГААЯ!

ТОСТ ТОСОНБУМБЫН НУРУУНЫ БҮХ ЗӨВШӨӨРӨЛ ЛИЦЕНЗИЙГ ХҮЧИНГҮЙ БОЛГОХЫГ ШААРДАЖ БАЙНА!” гэж бичжээ.