“Ирвэс хамгаалах сан”-гийн биологич Т.Лхагвасүмбэрэл агсны хэрэг мөрдөн байцаалтын шатанд үргэлжилж байгаа.

Тус хэргийг УМБГ шалгаж байгаа бөгөөд хэрэгт Нийслэлийн прокурорын хяналтын прокурор Ж.Отгонцэцэг хяналт тавьж байгаа аж.

Тэрбээр хавтаст хэргийн шалгалтын явц хэрхэн явагдаж байгаа талаар цагаан сарын өмнө Улсын ерөнхий прокурор М.Энх-Амгаланд танилцуулсан байна.

Дашрамд өгүүлэхэд талийгаачийг гадны ямар нэгэн нөлөөгүй усанд живж амиа алдсан байж болзошгүй гэх анхан шатны дүгнэлтийг ажлын хэсгээс гаргасан. Гэвч эл дүгнэлтийг ар гэрийнхэн болон “Ирвэс хамгаалах сан”-гийхан эсэргүүцсээр байгаа билээ.

Учир нь  талийгаач амиа алдахын өмнө гурван удаа халдлагад өртсөн гэх мэдээлэл бий. Мөн хэд хэдэн удаа бусдын дарамтанд өртөж байсан гэдгийг ч мэдэгдээд байгаа юм. Тиймээс тэд гадны нөлөөтэй төдийгүй амиа хорлоогүй гэх нотлох баримтыг ч дэлгэсэн.