Ухаалаг гар утсанд зориулсан “Windows Phone 8” үйлдлийн системийг Microsoft Corp өнөөдөр танилцууллаа. Энэхүү үйлдлийн системийг компьютер болон таблетад хэрэглэж болохоор хөгжүүлж байгаа юм байна. Аль ч платформ дээр хэрэглэж болох аппликэйшн бүтээж байгаа нь хэрэглэгчдэдээ улам ойртож байгаа явдал юм. “Windows Phone 8” нь олон туйлт процессортой, Micro SD карттай, Internet Explorer 10.0 хөтөчтэй, Skype, Nokia –гийн газрын зургийн технологитой юм. “Windows Phone 7” хувилбарыг ашиглаж байсан Nokia, Samsung, HTC Huawei гар утаснууд шинэ системтэйгээр энэ намраас худалдаанд гарах юм байна.
