Сүүлийн үед зам тээврийн осолд хүүхдүүд өртөх нь ихэссэн байна. Өчигдөр л гэхэд дөрвөн хүүхэд зам тээврийн осолд өртжээ. Тиймээс бага насны хүүхдүүдээ хараа хяналтгүйгээр замын хөдөлгөөнд оролцуулахгүй байхыг 24tsag.mn сайт уриалж байна. Мөн бага насны хүүхдүүд тань тоглож наадаж байхдаа санамсаргүйгээр авто машины зорчих хэсэг рүү ойртох, авто замын аюултай хэсэг рүү орж болзошгүй тул эцэг эхчүүд, асран хамгаалагч нарт сэрэмжлүүлж байна.

Монгол Улсын Замын хөдөлгөөний аюулгүй байдлын тухай хуулийн 13.2.7-д “Эцэг эх, асран хамгаалагч, бүх шатны боловсролын байгууллагын холбогдох албан тушаалтан 0-10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх” гэж заасан байдаг хэдийч эцэг эх, асран хамгаалагч нарын хариуцлагагүй байдлаас болж хүүхэд зам тээврийн осолд өртсөөр байна. Өчигдөр ерөнхий боловсролын сургуулийн гуравдугаар улиралын амралт дуусч, хичээл эхэлсэн тул хүүхдийг хараа хяналтгүй замын хөдөлгөөнд оролцуулахгүй байхыг Улаанбаатар хотын Замын цагдаагийн газраас зөвлөлөө.