Өнөөдөр болох зарим үйл явдлыг танилцуулж байна.
09:00 цагт: Tуушин Зочид буудлын Соёмбо хурлын танхимд Бичил уурхайн нөхөн сэргээлтийн аргачлалыг танилцуулах үндэсний семинар эхэлнэ.
09:00 цагт: Улаанбаатар Зочид буудал, 6-р давхар “Номын Хүрээ” Өргөө танхимд “Нийгмийн даатгалын системд ослын даатгалын эзлэх байр суурь” бага хурал эхэлнэ.
11:00 цагт: ШӨХТГ-ын байранд Шатахууны үнэ 80-120 төгрөгөөр буурч эхэлсэн бөгөөд цаашид томоохон импортлогч компаниудыг бүгдийг нь нэгтгэж, шатахууны үнийг 80-120 төгрөгөөр буулгахаар төлөвлөж байгаа талаар болон үүнийг дагаад өргөн хэрэглээний барааны үнэ мөн дагаад буурах талаар мэдээллэх юм. Мөн тус хурлаар Юнивишн, Скаймедиа, DDISH компаниудын талаарх мэдээллийг өгнө.
11:30 цагт: БСШУЯ-н дээр Булган аймгийн Баяннуур сумын нутагт орших Улаан хэрмийн Шороон бумбагар бунхант булш, ханын зургийг авран хамгаалах, сэргээн засварлах төслийг хэрэгжүүлэх тухай гэрээг БСШУЯ, Бүгд Найрамдах Турк Улсын Ерөнхий сайдын дэргэдэх Туркийн хамтын ажиллагаа, зохицуулах агентлагтай байгуулна.
11:00 цагт: MN-Мэдээллийн төвд Монголын телевизүүдийн холбооноос хэвлэлийн бага хурал зарлалаа.
11:30 цагт: MN-Мэдээллийн төвд БХБЯ, Барилгын хөгжлийн төвөөс барилгын салбарт тулгамдаж буй асуудлаар мэдээлэл хийнэ.
12:00 цагт: MN-Мэдээллийн төвд JCI Монгол байгууллагын 25 жилийн ойн хүрээнд “Бүсийн хөгжил-Залуучуудын оролцоо” чуулганыг 21 аймгийн хүрээнд зохион байгуулах талаар мэдээлэл хийнэ.
12:30 цагт: MN-Мэдээллийн төвд ШӨХТГ-ын дарга асан Т.Аюурсайхан О.Магнайтай холбоотой нотлох баримт дэлгэнэ.
11:30 цагт: Үндэсний мэдээллийн төвд "Эрхээ Хамгаалья" ТББ-ын зүгээс Монгол Улсын Ерөнхий Сайд, Засгийн газрын тэргүүн Ч.Сайханбилэгт шаардлага хүргүүлэх талаар мэдээлэл хийнэ.
12:00 цагт: Үндэсний мэдээллийн төвд Төв аймгийн Цээл суманд алтны нөөцтэй гэдэг сургаар хятадын хөрөнгө оруулалттай “Еос” компани оршуулгын газрыг ухаж хууль бус үйл ажиллагаа явуулахаар зэхэж буй талаар сумын удирдлагууд баримттай мэдээлэл хийнэ.
12:30 цагт: Баянгол дүүргийн 93 дугаар сургууль дээр НМХГ-аас "Үдийн цай хөтөлбөр"-ийн хоол бэлтгэх орчин, технологи, үдийн цайны тогооч нарын ур чадвар, цаашид анхаарах асуудлаар үзүүлэх сургалт зохион байгуулна.
