УИХ-ын гишүүн М.Батчимэгийн зөвлөх З.Пагмажав нь улсын нууцтай холбоотой мэдээллийг Тайванийн талд дамжуулсан хэргээр 16 жилийн ял авсэн. З.Пагмажав өөрийгөө "Хувийн журмаар орчуулгын ажил хийж байгаад уг хэрэгт холбогдлоо" хэмээж анхан шатны шүүхээс ногдуулсан 16 жилийн ялыг хүлээн зөвшөөрөхгүй гэж үзэн өнгөрсөн оны аравдугаар сарын 22-ны өдөр Нийслэлийн эрүүгийн хэргийн давж заалдах шатны шүүхэд хандсан юм. Давж заалдах шатны шүүх эл хэргийг нэмэлт мөрдөн байцаалтад буцаасан. Харин З.Пагмажав нь одоо батлан даалтад гарч гадуур байцаагдаж байгаа юм. З.Пагмажав хувийн журмаар орчуулга хийж байсныхаа төлөө гэмт хэрэгт холбогдож 16 жилийн хорих ял сонссон ч давж заалдах шатны шүүхээс хэргийг нэмэлт мөрдөн байцаалтад буцааснаар дээрх ялын тогтоолыг түдгэлзүүлж, мөрдөгчид шүүгчээс өгсөн зааврын дагуу хэрэгт авагдсан нотлох баримтуудыг нягтална гэсэн үг. Зарим эх сурвалжийн мэдээлж буйгаар З.Пагмажав нь биеийн байдал нь хүнд байгаа аж.