Сонгуулийн маргаашнаас Монгол Улс модоо барьж, бадар гуйж мэдэх нь. Өнөө, маргаашгүй өгнө гэж хөгшид, хөгжлийн бэрхшээлтэй иргэдийг “хулхи”-даад байгаа 670 мянган төгрөгөө хаанаас, хэнээс зээлэхээ учраа олохгүй будилж явна. Сонгуулиас өмнө бөөндөнө өгнө хэмээн том ам гарчихсан тул элдвийн л арга хэрэглэж үзэж байгаа юм байх. Хүний хөгжил сангийн данс улайгаад нэлээд хэдэн сар болж буй. Гэвч энэ талаар тэд өнөөдрийг хүртэл ам нээгээгүй. Гагцхүү төлөвлөгөөний дагуу мөнгө олж ирэх үүргийг холбогдох газруудад өгсөн ч бүтэлтэй зүйл болсонгүй. Ямартаа л өмнөх 330 мянга болоод 21 мянган төгрөгөө өгөхдөө өр тавьсаар, өдгөө итгээд зээлүүлчих хүн ч олдохгүй тэвдэж байгаа сурагтай. Гэтэл өнөөдрөөс эхлээд 330 мянган төгрөг өгөх гэнэ. Энэ мөнгийг Эрдэнэтээс зээлсэн. Харин үлдэгдэл мөнгөө хаанаас олж өгэх нь эргэлзээтэй байна.
Төсвийн алдагдал өнөөдрийн байдлаар 470 тэрбум төгрөгт хүрснийг эдийн засагчид толгой сэгсрэн ярьж, халагл ах боллоо. Ардын Засгийн газар амлалтаа биелүүлэх гэж төсвийн үзүүлэлтийг хасах болгоод зогсохгүй Монголбанкнаас 170 тэрбум төгрөгийн зээл авчээ. Энэ байдлаараа төсвийн албан хаагчдын цалин тасалдаж эхэлнэ гэсэн үг. Шуудхан хэлэхэд, энэ сарын 25-нд төсвийн байгууллагынхны цалин буухгүй гээд хэлчихвэл хол зөрөхгүй л болов уу. Одоогийн байдлаар хөдөө аж ахуйн салбарт шаардлагатай 130 тэрбум төгрөг хүлээгдэж буй талаар салбарын яамныхан ярих болов. Энэ мэтчилэн хөрөнгө оруулалтаа хүлээж буй олон ажил бий байж мэдэх л юм.
Өчигдөрхөн Сангийн дэд сайд Ч.Ганхуяг “Ахмад настан болон хөгжлийн бэрхшээлтэй иргэдэд маргааш (өнөөдөр)-өөс 330 мянган төгрөг олгохоор Засгийн газраас шийдвэрлэлээ. Хөрөнгө мөнгө нь шийдэгдсэн. Санаа зоволтгүй” хэмээн мэдээлэв. 670 мянгыг биш ч 330 мянган төгрөг өгөх болсонд нь битүүхэн баярлаж байгаа ч бас хаанаас, хэнээс мөнгө зээлсэн бол гэхээс айдас төрөв. Мөнгө нэмж хэвлэв үү, эсвэл хувьцаа арилжив уу гэх асуултын нэг тэргүүнд тавьсан. Сайдын тайлбарлаж буйгаар гуравхан эх үүсвэрээс хөрөнгө бүрдүүлэх амаргүй байгаа юм байх. Түүний хэлснээр Эрдэнэтээс өмнөх жилийн ногдол ашиг 70 сая ам.доллар орж ирсэн. Тэр мөнгө Монголбанк, Төрийн сангийн дансанд орж ирэхээр холбогдох ХААН, Хадгаламж, Капитал банкуудын дансанд шилжүүлж байж 333 мянган төгрөг эхний ээлжинд олгох аж.
Ямартай ч түүний хэлсэнчлэн шууд өнөөдрөөс олгоод эхлэхгүй бололтой. Учир нь мөнгө банкуудад хуваарилагдах тодорхой цаг хугацаа шаардах л байлгүй. Энэ долоо хоногт аргацаагаад өнгөрөх сайхан шалтагуудын нэг ч байж мэдэх юм. Нөгөөтэйгүүр, дэд сайдын үг үнэн эсэх нь эргэлзээтэй. Үнэхээр хөрөнгө оруулалт орж ирэв үү, эсвэл дахиад л зээл авч аргалах нь уу. Учир нь Засгийн газар зээл авч, өмнө мөнгөө тарааснаар өрөнд орж, өтөнд баригдсан гэдгээ сонгуулийн өдөр хүртэл нууцлахыг холбогдох хүмүүстээ “тушаасан” сураг бий. Хэрэв “нууц” задруулбал албан тушаалаа өгөөд зогсохгүй, дараа дараагийн арга хэмжээг ч авна гэдгээ хатуухан мэдэгдсэн гэх мэдээлэл чих дэлсэв. Хэрэв энэ үнэн бол энэ удаад ч зээл аваагүй гэх баталгаа бий гэж үү.
Эцэст нь, Ардын нам амлалтаа хэчнээн хичээгээд ч сонгуулиас өмнө өгч амжихгүй нь. Учир нь өнөөдөр биш ч ирэх долоо хоногт 330 мянган төгрөгөө өгөх л байх. Гэхдээ цаана нь 340 мянган төгрөгийг хөгшид, хөгжлийн бэрхшээлтэй иргэд нэхэмжилж байна. Сонгуулиас өмнө авах гэж яаравчилж байгаа ахмуудыг ч буруутгах аргагүй. Магад энэ сонгуулиар ах нам ялагдал хүлээвэл зан ааш нь хувирч өгөхгүй байж болзошгүй хэмээн тэд дор бүрнээ ярилцаж эхэлсэнтэй холбоотой. Нөгөөтэйгүүр, Ардын Засгийн газар ч сонгуулиас өмнө олгоно хэмээн том амлачихсан. Яг л 2008 оны сонгуулиар 1.5 сая төгрөг амлаж, батламж гардуулж байсан шигээ аягласан. Иймд тэд амласан бол өгөх л учиртай. Гэвч эцэст нь Монгол Улс модоо барьж, сонгуулийн маргаашнаас бадар гуйж эхлэх нь. Хөгжлийнхөө гараан дээр байгаа Монгол Улс байгалийн баялгаа арилжиж, өрнөөс гарах боломж бий хэмээн эрх баригч нам тооцоолсон байж мэдэх л юм. Гол нь газар доорх баялаг ард түмний өмч гэдгийг сануулчихья.
Нийгмийн толь 2012,06,20
Төсвийн алдагдал өнөөдрийн байдлаар 470 тэрбум төгрөгт хүрснийг эдийн засагчид толгой сэгсрэн ярьж, халагл ах боллоо. Ардын Засгийн газар амлалтаа биелүүлэх гэж төсвийн үзүүлэлтийг хасах болгоод зогсохгүй Монголбанкнаас 170 тэрбум төгрөгийн зээл авчээ. Энэ байдлаараа төсвийн албан хаагчдын цалин тасалдаж эхэлнэ гэсэн үг. Шуудхан хэлэхэд, энэ сарын 25-нд төсвийн байгууллагынхны цалин буухгүй гээд хэлчихвэл хол зөрөхгүй л болов уу. Одоогийн байдлаар хөдөө аж ахуйн салбарт шаардлагатай 130 тэрбум төгрөг хүлээгдэж буй талаар салбарын яамныхан ярих болов. Энэ мэтчилэн хөрөнгө оруулалтаа хүлээж буй олон ажил бий байж мэдэх л юм.
Өчигдөрхөн Сангийн дэд сайд Ч.Ганхуяг “Ахмад настан болон хөгжлийн бэрхшээлтэй иргэдэд маргааш (өнөөдөр)-өөс 330 мянган төгрөг олгохоор Засгийн газраас шийдвэрлэлээ. Хөрөнгө мөнгө нь шийдэгдсэн. Санаа зоволтгүй” хэмээн мэдээлэв. 670 мянгыг биш ч 330 мянган төгрөг өгөх болсонд нь битүүхэн баярлаж байгаа ч бас хаанаас, хэнээс мөнгө зээлсэн бол гэхээс айдас төрөв. Мөнгө нэмж хэвлэв үү, эсвэл хувьцаа арилжив уу гэх асуултын нэг тэргүүнд тавьсан. Сайдын тайлбарлаж буйгаар гуравхан эх үүсвэрээс хөрөнгө бүрдүүлэх амаргүй байгаа юм байх. Түүний хэлснээр Эрдэнэтээс өмнөх жилийн ногдол ашиг 70 сая ам.доллар орж ирсэн. Тэр мөнгө Монголбанк, Төрийн сангийн дансанд орж ирэхээр холбогдох ХААН, Хадгаламж, Капитал банкуудын дансанд шилжүүлж байж 333 мянган төгрөг эхний ээлжинд олгох аж.
Ямартай ч түүний хэлсэнчлэн шууд өнөөдрөөс олгоод эхлэхгүй бололтой. Учир нь мөнгө банкуудад хуваарилагдах тодорхой цаг хугацаа шаардах л байлгүй. Энэ долоо хоногт аргацаагаад өнгөрөх сайхан шалтагуудын нэг ч байж мэдэх юм. Нөгөөтэйгүүр, дэд сайдын үг үнэн эсэх нь эргэлзээтэй. Үнэхээр хөрөнгө оруулалт орж ирэв үү, эсвэл дахиад л зээл авч аргалах нь уу. Учир нь Засгийн газар зээл авч, өмнө мөнгөө тарааснаар өрөнд орж, өтөнд баригдсан гэдгээ сонгуулийн өдөр хүртэл нууцлахыг холбогдох хүмүүстээ “тушаасан” сураг бий. Хэрэв “нууц” задруулбал албан тушаалаа өгөөд зогсохгүй, дараа дараагийн арга хэмжээг ч авна гэдгээ хатуухан мэдэгдсэн гэх мэдээлэл чих дэлсэв. Хэрэв энэ үнэн бол энэ удаад ч зээл аваагүй гэх баталгаа бий гэж үү.
Эцэст нь, Ардын нам амлалтаа хэчнээн хичээгээд ч сонгуулиас өмнө өгч амжихгүй нь. Учир нь өнөөдөр биш ч ирэх долоо хоногт 330 мянган төгрөгөө өгөх л байх. Гэхдээ цаана нь 340 мянган төгрөгийг хөгшид, хөгжлийн бэрхшээлтэй иргэд нэхэмжилж байна. Сонгуулиас өмнө авах гэж яаравчилж байгаа ахмуудыг ч буруутгах аргагүй. Магад энэ сонгуулиар ах нам ялагдал хүлээвэл зан ааш нь хувирч өгөхгүй байж болзошгүй хэмээн тэд дор бүрнээ ярилцаж эхэлсэнтэй холбоотой. Нөгөөтэйгүүр, Ардын Засгийн газар ч сонгуулиас өмнө олгоно хэмээн том амлачихсан. Яг л 2008 оны сонгуулиар 1.5 сая төгрөг амлаж, батламж гардуулж байсан шигээ аягласан. Иймд тэд амласан бол өгөх л учиртай. Гэвч эцэст нь Монгол Улс модоо барьж, сонгуулийн маргаашнаас бадар гуйж эхлэх нь. Хөгжлийнхөө гараан дээр байгаа Монгол Улс байгалийн баялгаа арилжиж, өрнөөс гарах боломж бий хэмээн эрх баригч нам тооцоолсон байж мэдэх л юм. Гол нь газар доорх баялаг ард түмний өмч гэдгийг сануулчихья.
Нийгмийн толь 2012,06,20
