Эрхэм   хүндэт    УИХ-ын гишүүдээ  Та нар  Монголын ард түмнийг төлөөлөх эрхэм хүндтэй төрийн  төлөөлөл, ард түмний элчээр   томилогдсонд  явдалд  баяр хүргэе

           МУ-ын ерөнхий сайд Ч. Сайханбилэг  УИХ-ын ээлжит сонгуулын өмнө буюу 6 дугаар сарын 28 өдөр “Баярт сайн мэдээ” гэж Монгол-оросын хамтарсан “Эрдэнэт үйлдвэр” ХХК-ны Оросын талын эзэмшлийн 49%-ийг , Гуравдагч этгээдэд худалдсан, Монголын компаний эзэмшилд  шилжсэн тухай мэдэгдэж монголын ард түмнийг гүн цочролд оруулж улмаар сонгуулийн үр дүнд сөргөөр нөлөөлсөн билээ.

           Монголын  интернет сайтуудаар  монголчуудын ганц саалийн үнээ болох Эрдэнэтийн 49 хувийн эзэмшлийн асуудал болон  “Монгол зэс корпораци”-ийн нууц ноёнтоны эрэлд гараад байна.

           Эрдэнэт үйлдвэр Монгол улсын ДНБ-ний  15 хувь,  улсын төсвийн 40 %, Орхон аймгийн төсвийн 90%,  Булган аймгийн төсвийн 50%-ийг тус тус  бүрдүүлдэг, сүүлийн 15 жилд манлай татвар төлөгч, 6000 иргэнийг ажлын байраар хангаж ,  120 мянган хүн амтай Эрдэнэт  хотыг нуруун дээрээ тээж буй буянтай үйлдвэр, стратегийн ач холбогдолтой орд юм.

           Эрдэнэт үйлдвэрийг үндэсний үйлдвэр болгох асуудал монголчууд бидний  мөнхийн мөрөөдөл байсан ба энэ мөрөөдлийг нууц хувилдаанаар бус эрхзүйн чадамжтай гэрээ хэлэлцээрээр зохих журмын дагуу шийдлийн   Засгийн газар  шийдвэрлэсэн бол монголчууд бидний баярын магнай тэнийх байлаа.

           Эрдэнэт үйлдвэр өнөөдөр МУ Засгийн газар, ОХУ-ын Засгийн газар хоёр талын хооронд 2003 онд байгуулсан гэрээний хүрээнд МУ-ын хууль тогтоомжийг хэрэгжүүлэн ажиллаж байгаа бөгөөд энэхүү  гэрээ өнөөдөр ч хүчин төгөлдөр   байна..

          Шийдлийн Засгийн газрын ерөнхий сайд Ч.Сайханбилэг дээрх гэрээнд заасан ОХУ-ын эзэмшлийн 49%-ийг худалдан авах давуу эрхээ УИХ-тай зөвшилцөлгүй гуравдагч этгээдэд шилжүүлсэн нь МУ-ын УИХ-ийн бүрэн эрхэд халдсан, МУ-ын төрийн болон орон нутгийн өмчийн тухай, Стартегийн ордын тухай, Ашигт малтмалын тухай , МУ-ын засгийн газрын тухай хуулийг тус тус зөрчсөн тул энэхүү санхүүгийн луйварын хэлэлцлийг яаралтай таслан зогсоож   МУ-ын Үндсэн хуулийн 6 дугаар зүйлд  заасан газрын хэвлийн баялаг зөвхөн   ард түмний мэдэлд байх төрийн өмчийг шинээр сонгогдсон  монголын ард түмний элч,  УИХ гишүүд  Та нар бүрэн эрхийнхээ хүрээнд  Эрдэнэт үйлдвэрийн 49%-ийг   монголын ард түмэнд   1072 хувьцаагаар эзэмшүүлэхийг  шаардаж энэхүү мэдэгдлийг хийж байна.

                  МОНГОЛЫН ЭРДЭС БАЯЛГИЙН ҮНДЭСНИЙ НИЙГЭМЛЭГ 

2016.07.05   

Улаанбаатар хот