2012-2013 оны хичээлийн жилд нэгдүгээр ангид хичээл заах багш нарын сургалт өнөөдрөөс эхлэн хоёр өдөр үргэлжилнэ. Тус сургалт 09.00–18.00 цагт харьяа дүүргийн сургуулиуд дээр явагдах юм байна. Тухайлбал Баянгол дүүргийн сургуулийн бага ангийн багш нар 28 дугаар сургууль дээр сургалтад хамрагдах аж.
  Харин Баянзүрх дүүрэг 44 дүгээр сургууль, Сүхбаатар дүүрэг 31 дүгээр сургууль, Сонгинохайрхан дүүрэг 107 дугаар сургууль, Чингэлтэй дүүрэг 17 дугаар  сургууль, Хан-Уул, Багануур, Багахангай, Налайх  дүүргүүдийн багш нар 75 дугаар  сургуулийн байранд цугларч нэгдүгээр ангид шинээр элсэх хүүхдүүдэд хэрхэн хичээл заах талаар сургалтад хамрагдах юм байна. Ирэх хичээлийн жилд нэгдүгээр ангид 17800 сурагч элсэх урьдчилсан тооцоо гарчээ.

                                                                                                                              Ц.Болор