24tsag.mn сайтын зүгээс уншигч та бүхэнд Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг угтан улсын цолонд хамгийн ойрхон байгаа аймгийн цолтнуудыг танилцуулж байна. Бидний энэ удаад танилцуулах бөх Аймгийн хурц, бадрангуй арслан Э.Мөнхбаатар.

Тэрбээр 1995 оны долдугаар сарын 02-нд Говьсүмбэр аймгийн Сүмбэр суманд төржээ. "Хилчин" спорт хороо, Чойрын Богд дэвжээ, Алтанбулаг Уул ХХК, УБТЗ - Замын 3-р ангийн бөх. 

Түүний амжилтуудаас, 

• 2010 онд Сумын заан, 2015 онд цолоо баталсан
• 2017 онд Аймгийн арслан 
• 2019 онд Аймгийн арслан цолоо баталжээ. 
• 2025 оны Бүх цэргийн баяр наадамд түрүүлж, бадрангуй чимэг нэмээд байна. 

Бөхийн өргөөний түрүү: 

• Бүх цэргийн наадам

• Дорнод аймгийн Баян-Уул сумын ЕБС-ийн 100 жилийн ойд зориулсан барилдаан

• Ховд аймгийн Алтай сумын харьяат, МУГТ, улсын өсөх идэр начин Адуучийн Баатархүүгийн нэрэмжит барилдаан

Бөхийн өргөөний үзүүр: 

• Монгол улсад нисэх хүчин үүсэж хөгжсөний 100 жилийн ойд зориулсан, Дархан аварга цолны хүндэтгэлийн барилдаан

• "Талх Чихэр" ХК-ийн нэрэмжит, Хэвийн боовны баярт зориулсан барилдаан

• АПУ ХК-ийн нэрэмжит Богдхан хайрханы хишиг барилдаан

• Монгол улсын начин, доктор С.Нямжав, С.Даваасамбуу нарын нэрэмжит аймгийн цолтой бөхчүүдийн барилдаан

• "Наурызын баяр"-ын аймаг цэргийн цолтой бөхийн барилдаан

Бөхийн өргөөний их шөвөг: 

• "Атар" хэвийн боовны нэрэмжит барилдаан
• Дорноговь аймгийн Сайхандулаан сумын харьяат, улсын арслан Гунгаагийн Намжилваанчиг, улсын заан Лувсангийн Сүрэнжав нарын нэрэмжит барилдаан
• Ховд аймгийн Зэрэг сумын харьяат, аймгийн хурц бадрангуй арслан Баянзулын Лодойн нэрэмжит барилдаан
• "Дүүгүүр" хэмээх улсын начин Дандарын Гомбосүрэнгийн нэрэмжит аймгийн цолтой бөхчүүдийн барилдаан
• Монгол цэргийн өдөр Зэвсэгт хүчний 98 жилийн ойн барилдаан
• Эх орончдын өдрийн барилдаан
• Хэнтий аймгийн Батширээт сумын харъяат аймгийн арслан Ц Дагвадоржийн нэрэмжит барилдаан

 Л.Баяр